काठमाडौ, । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको २३ औँ शृङ्खला शनिबार सम्पन्न भएको छ ।
अभ्यासमा ४७ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखनमा पृथकता एवं फरकपन भित्राउने सिलसिला उक्त शृङ्खला सञ्चालन गरिदै आएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको २३ औँ शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
नुन खाएपछि नुनको सोझो गर्नैपर्यो हजुर,
मह काढ्नेले हात चाट्छ कहाँनेर भयो कसुर ?
✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
वाह ! तिम्रो स्वामी भक्ति, परेको छ दुनियाँ दङ्ग,
मान्छे मात्र यहाँको पर्यौ, रहेछौ उतैको अङ्ग ।
वसन्त अनुभव
घोराही उपमहानगरपालिका १४, दाङ
[२]
हैन जवर्जस्ती खानुनै पर्ने नुन पर्यो कस्तो,
परिवारलाई बिजोक पारी दिनु पर्ने सस्तो।
लक्ष्मी श्रेष्ट
बिर्तामोड झापा
[३]
दुई चार पैसा कुम्ल्याइयाे बाेझ खनाइयाे,
नुनकाे साेझाे गर्दै जनता उल्लु बनाइयाे ।
✍️ ताराप्रसाद चापागाईं
धुनिबेसी ।
[४]
संसारकै ठुला राष्ट्रहरू सामु सानाको के पो चल्छ,
आगोको माथि घिउ थप्न थाले हुरुरु दन्दनी बल्छ ।
गुणनिधि घिमिरे
पाँचथर मोरङ हाल अमेरिका
[५]
गरिबले कहाँ सोध्छन् हजुर मुल्य पनि सुनको,
कर्तव्य रैछ खाएपछि सोझो गर्नैपर्ने नुनको |
✍️माहादेव भट्ट
दशरथ चन्द नगरपालिका 01 गुरुखोला कलौन बैतडी
[६]
आफ्नै देशको गोठालो भन्दै मानेर चरेछौँ,
अर्कै देशका गोठाला रैछन्, भेडै पो भएछौँ !
✍️ सुन्दर शोभान
नारायणगढ, भरतपुर म न पा- ३,चितवन ।
[७]
घमाईलो हुदैछ पोखराको रानी वनको,
नेपालका जनता विजोगमा छाडापनको ।
संझना कुसुम
पोखरा
[८]
सबैले भन्ने यही हो हजुर,
लगाउने हो सुनकै गजुर ।
अनुग्रह राना मगर ‘पुष्प’
संखुवासभा हाल मलेसिया
[९]
नुनको सोझो गरेको बहानामा आफ्नो उदर भर्छौ,
बाहिर बाहिर राम राम भित्र छुरा भने झैँ गर्छौ।
गंगा खड्का
बूढानीलकण्ठ काठमाडौँ
[१०]
आफ्नो देशै बिर्से, नुन खुवाउनेको पछि लाग्दा,
अब चाल पाउलान् गाउॅं-शहरमा भोट माग्दा।
-म्यामराज राई
हतुवागढी,भोजपुर
[११]
उसकै नुन खाएँ गुण गाएँ भन मैले के बिराएँ ?
देश बन्धक राखी एमसीसी ल्याएँ हात चाट्न पाएँ !
बिबस पारदर्शी
भद्रपुर (झापा)
[१२]
खाएपछि पराईकाे अन्नपानी तथा नुन ,
गाएपछि भजन उसको सम्झनेछन् गुन ।
रामकृष्ण दुवाडी
पाेखरा ।
[१३]
हात मात्रै चाटेको भए हुन्थ्यो, चाकालाई चपायौ,
जेठान साला पोस्यौ दाई भाई काकालाई धपायौ!
-प्रमोद भट्टराई ‘प्रतीक’
कौशलटार, भक्तपुर
[१४]
नुन खाएर नुनकै सोझो गर्ने जमाना गइसके छ अब,
मान्छे मान्छे नै रह्यो भनेर कसरी गरौं यहाँ विश्वास तब?
दीपक ठटाल जलन
खरसाङ
[१५]
नुनको सोझो भन्दाभन्दै ढोग्नै गयौ पाउ,
देश बेची लेण्डुप बन्ने कस्तो तिम्रो दाउ ?
बिके माकजु
भक्तपुर ।
[१६]
धन कमाउँनु थियो मैले टन्न कमाएँ,
देश बेचेर जनतालाई उल्लु बनाएँ।
सुरेशकुमार पान्डे।
[१७]
नुनको सोझो गर्नेभए देश विकासमा लाग्थ्यौ,
भएभरको लुटेर अनि किन लुसुक्क भाग्थ्यौ?
राजेशराज गड्तौला
रतुवामाई- १०, मोरङ हाल- प्रवास
[१८]
राज्यकोषको रकमले संसार डुलियो,
जता पाईन्छ गुलियो उतै उतै भुलियो ।
डम्बर थामी ‘अनुपम’
कालिन्चोक गा.पा. -६, दोलखा
[१९]
देशको सेवामा हिडेको ,सेवा गर्नैपर्यो ,
नुनको सोझो गर्नाले , घरको गर्जो टर्यो ।
बुद्धिमान चौधरी
कनकाई नगरपालिका ४ झापा
[२०]
मिलेर नै माटो सबै चाटाचाट गर्ने ,
बाँकी देश बेचेर बिदेश तिरै सर्नै।
होम प्रसाद नेउपाने
धरान,सुनसरी ।
[२१]
नेताको पछि जिन्दगी बर्बाद भयो,
ओहो ! होइन उ त अमेरिका गयो ।
साहित्य प्रेमी विक्रम तिरुवा सलिन
जुम्ला
[२२]
खल्ती भर्ने रहर थिएन बाध्यताले पार्यो,
बिस्तार बिस्तार फकाएर किल्ला पर सार्यो ।
जमुना आचार्य
सिन्धुपाल्चोक
[२३]
नुन खाएपछि नुनको सोझो गर्ने उसले मार्ग रोज्यो
पक्कै रहस्य छ है बढि हात चाट्न उसले किन खोज्यो ?
प्रेम थापा “मन “
जैमिनी न पा ०४ बागलुङ
[२४]
नुनको सोझो देखाएर त्यो डलर पोको पार्ने,
देशको बिकास भन्दाभन्दै जनताहरू मार्ने ।
💕बेदु न्यौपाने💕
काठमाडौ
[२५]
नुनको सोझो भन्दाभन्दै फुली सक्यो केश,
टुक्रा टुक्रा पारी बेचिएको छ हाम्रो देश ।
दुर्गा भट्टराई
मोरङ
[२६]
चोटपटक लागेको घाउमा मल्हम पट्टी प्रयोग गरियोस्?
बिकृति उत्पन्न गर्ने तुच्छ नेतागणमा चुक नुन भरियोस्।
कबिताहरी
सुन्दर हरैंचा नगरपालिका १ मोरङ
[२७]
अर्काको नुन खाए जस्तो छ सधैँ गर्छौ गुलामी,
आफ्नो हुनै सकेनौ तिमी के भनि दिउँ सलामी ।
सुर्यमणी रेग्मी
[२८]
हामी नेपाली भनेकै हजुर इमानदारीको अर्को नमुना,
त्यसैले त हाम्रो निम्ति खुल्ला बनेकोछ संसारकै छेउ कुना।
बी.कुलुङ
दार्जिलिङ भारत
[२९]
औँला दिदा डुडुला निल्न खोज्ने तिमी पापी,
आफनै दुनो सोझ्यायौ नि नकचरा राष्ट्रघाती ।
शान्ता निरौला
कन्याटार पाँचथर
[३०]
भूल भएको हैन यो त भ्रष्टको पोल खोलीएको,
जनतालाई धोका दिदा सतामा विष घोलीएको ।
अम्विका अधिकारी
झापा विर्तामोड
[३१]
मुलुक पनि खायो सबै चम्चा र चोरले,
देश जम्मै ढाकिसक्यो गुन्डाको फोहोरले ।
दस्ता कौशिक
पाँचथर।
[३२]
सोझा जनता झुक्याई ठालु बन्ने गर्छन्,
विकासको नाममा कनिका थोरै छर्छन्।
✍️ रुपा गौतम
बारा ।
[३३]
नुन खाऊ सोझो गर जे जे गर्नुछ आज,
मह काट्ने हक नै पायौ गर सधैँ राज ।
✍️धनुष न्यौपाने
गुठीचौर गाउँपालिका ० ४ जुम्ला
[३४]
हाम्रो पनि मुख हो क्यारे, खानै पर्यो आधा हजुर,
मैले नखाई देशमा, हाल्ने कुरै भएन गजुर ।
प्रदीप के रिमाल
इटहरी – आठ, सुनसरी।
[३५]
कति गर्छौ नुनको सोझो राष्ट्रघातीहरू,
आमा बेचेर कमाउने पापी को छ अरू ?
इन्दिरा देवकोटा
[३६]
आखिरिमा बेचिदिए नेताले देशलाई,
कसरी जीवन्त राखूँ नेपाली भेशलाई ?
गाेपालकृष्ण डंगाेल
ईटहरी, सुनसरी ।
[३७]
कसुरले नै गराउँछ बेसुर,
बिग्रन्छ नाता सबैमा सुमधुर।
नुमा खालिङ कीरात
[३८]
नुनको सोझो गर्नु नै पर्ने भएछ है आखिर,
आमाको अस्मिता लिलामीमा झुकेन तिम्रो शिर ।
कमला देवकोटा , पाल्पा
हाल- काठमाडौ
[३९]
राम्रा जन्मेनन् कतै चोरैचोरले देश चलाए,
डलर खाए मातृभूमिको स्वाभिमान ढलाए।
शंकर कार्की,
थाहा नगरपालिका ३ मकवानपुर।
[४०]
नगरेको होइन नुनको सोझो गर्दै मीठो बोली,
भन्छन् आफ्नो हात जगन्नाथ, भर्दैछु विशाल झोली।
अच्युत घिमिरे
भुटान 🇧🇹
[४१]
सबै कर्म दोषी ठहर भए कसरी बन्छ देश,
देशका निमित्त भलो चाहने एउटै हुन् नरेश ।
जि कुमार गौतम
भद्रपुर-१ (पृथिविनगर) झापा
[४२]
भाे पर्दैन छाड, नुन गुणका असुरक्षित कुरा,
नेपाली कानुनभन्दा माथि विदेशी ऐनकाे छुरा ।
प्रद्युम्न चालिसे
भक्तपुर, कटुञ्जे
[४३]
हुनेले खाएका छन् पेटभरि हजुर,
भोकाएकाले चोरे, उसको के कसुर ।
भगवती दवाडी
दमक
[४४]
खाएको छु यहीँ देशको अन्न पानी अहिले,
मिहिनेत गरेर खाँदा रिस गर्छौ जहिले ।
तारा घिमिरे
संखुवासभा
[४५]
नुनको सोझो सबै भैदिए देश कस्तो हुन्थे,
मह चाट्न पल्केकाहरु कुनामा पसी रुन्थे।
बिके मुखिया
सिग्रीमताम बस्ती, दार्जीलिङ भारत।
[४६]
मह काढे पछि लुकेर हात चाट्ने गरे,
जुठै हातले आफ्नालाई पनि बाँडे अरे ।
रचना शर्मा प्रतीक्षा, इमाडोल ललितपुर ।
[४७]
कोख भन्दा पनि महान त्यो नुन होला कस्तो,
आफ्नो इज्जत अस्मितालाई बनाउने सस्तो।
वसन्त अनुभव
✡️✡️✡️✡️ जय टुक्का ! जय साहित्य !! ✡️✡️✡️✡️