साउदी अरबलाई रोजगारीको गन्तव्य बनाई साउदी आएका एक नेपाली श्रमिकको जेलमा मृत्यु भएको छ ।मोरङ जिल्लाको बेलबारी स्थाई घर भएका सोम बहादुर धिमालको साउदी स्थित जेलमा मृत्यु भएको हो।कैदी अवस्थामै रहेको अवस्थामा यही ९ डिसेम्बरमा उनको मृत्यु भएको हो । उनि एभरब्राईट ओभरसिज् मेनपावर मार्फत करिब ४ वर्ष अघि साउदी प्रवेश गरेका थिए।
उक्त मेनपावर बाट साउदी अरबको प्रतिष्ठित अजमेल कम्पनीमा श्रमिकको रूपमा उनि आएका थिए भने पचासौँ हजार कामदार रहेको उक्त कम्पनी विश्व आर्थिक मन्दी र मध्यपूर्व द्वन्द संगै आफ्नै व्यवस्थापकिय कम्जोरीका कारण कम्पनी धारासाही हुँदै बन्द हुन पुगे पछी धिमाल संगै हजारौँ कामदार अलपत्र परी अवैध हुन पुगेका थिए।
आफू अवैध भएरै पनि बाहिर काम गर्दै आएका थिए । यसै क्रममा केही लालशा र छिट्टै स्वदेश फर्किन पाउने प्रलोभनमा साउदी कानुन विपरित मदिरा ओसार पसार गर्दै गरेको अवस्थामा प्रहरीले पक्राउ गरेको उनकै छिमेकी रूद्र खड्काले जनाएका छन्।
मृतकको शव सिघ्र नेपाल पठाई दिन परिवारले नेपाली नियोग र विभिन्न संघ संस्थाहरूलाई अनुरोध गरेका छन् भने नेपाली दूतावासले जेलमै मृत्यु भएको कारण हाल जाँचबुझ चलिरहेको बताएको छ। दूतावासका अनुसार धिमाललाई अवैध काममा लगाई दिएका विचौलियालाई समेत अनुसंधानको लागी खोजी रहेको जनाएको छ।
नेपाली दूतावास रियादले जनाए अनुसार अहिले सम्म प्राप्त जानकारीमा जेल भित्रै साथीहरू संग कुरा गर्दा गर्दै ढलेर मृतकको मृत्यु भएको सुचना रहेको छ। मृतकको शव स्वदेश पठाउन सिघ्रताको प्रयास जारी रहे पनि धिमालको शव नेपाल फर्किने निश्चित समय तोक्न नसकिने अवस्था रहेको छ।