विदेशी सञ्चारमाध्यमले जनाएअनुसार अलेक्जेन्डर नाम गरेका ४८ वर्षीया ती यात्री विमानको शौचालयमा झोलाको फित्ता प्रयोग गरी झुण्डिएर आत्महत्या गरेको हुन सक्ने विश्वास गरिएको छ।
एस सेभेन एयरलाईन्सको सो विमान शर्म अल–शेखको रिसोर्टबाट रुसको दक्षिण–पश्चिमी शहर सामरातर्फ जाँदै थियो। उडान भरेको केही समयपछि परिचारिकाहरुले विमानको बाथरुममा उनलाई अचेत अवस्थामा फेला पारेका थिए। लगत्तै विमान कायरोमा आकस्मिक अवतरण गरिएको थियो। चिकित्सकहरुले उनलाई बचाउन अथक प्रयास गरेपनि बचाउन नसकिएको बताइएका छन्।