साउने भेल उर्लेर आउँदा , धमिलो देखिन्छ !
नरिसाउ सानी रिसाउँदा मुहार अमिलो देखिन्छ !!
खुशीलाई सघैं रोकेर होइन, पोखेर देखाउनु !
आकाशको जून तारालाई हातले, छोएर देखाउनु !!
मुहार तिम्रो तेजिलो रहोस, चम्किलो सून झै !
रातमा पनि चम्किलो मुहार, पूर्णको जून झैं !!
कथामा आउनु गीतमा छाउनु, जीवनमा रमाउनु !
सृष्टिको सुन्दर रचना लाई, आखैंमा सजाउनु !!
खहरे जस्तो उर्लेर होइन, मूल झैं रसाउनु !
संसारकै प्यारो बनेर तिमी, मगमग बसाउनु !!
गर्नु त पर्छ अंध्यारो संग, जीवन भर सामना !
सोचेको कुरा भै जाउन पुरा, यहि शुभ कामना !!
सुशील पराजुली