दाङ, १९ असार
पहल नेपाल र उत्सर्ग फिल्मस् नेपालको संयुक्त आयोजनामा लिटिल मिस दाङ २०२१ प्रतियोगिता शुरु भएको छ ।
बालिकाहरुमा अन्तर्निहित सिर्जनात्मक क्षमताको प्रस्फुटन गराउने उद्देश्यले यस प्रतियोगिताको सन्चालन गरिएको आयोजकले जनाएको छ ।
उक्त प्रतियोगिता कार्यक्रमका संयोजक केएल पीडितका अनुसार प्रतियोगितामा ६ देखि १३ वर्ष सम्मका बालिकाहरुले मात्र भाग लिन पाउनेछ्न् ।
साथै प्रतियोगितामा दुई उमेर समूहमा प्रतिष्पर्धा हुनेछ । अनलाइन अडिसन मार्फत गरिने उक्त प्रतियोगितामा सहभागी हुनका लागि प्रतियोगीले आफ्नो नाम, उमेर, ठेगाना, रुचि, उद्देश्य र संपर्क नम्बर खुलाएर मिति २०७८ असार ३१ गतेसम्ममा लिटिल मिस दाङ (Little Miss Dang) पेजको ईन्बक्समा पठाउनु पर्नेछ ।
प्रतियोगितामा बिजेता बालिकाहरुलाई लघुचलचित्र, म्युजिक भिडियोमा अभिनय गर्न अवसर दिने आयोजकले जनाएको छ ।