दाङको तुलसीपुर स्थित तुलसीपुर मेट्रो अस्पताल/ कोरोना आइसोलेशन अस्पताललाई स्वास्थय सुरक्षा सामग्रीहरु सहयोग प्रदान गरिएको छ ।
एक कार्यक्रम काे आयोजना गरी उक्त स्वास्थ्य सामग्रीहरु नगर उपप्रमुख माया शर्मालाई शिसा नेपालको केन्द्रीय अध्यक्ष साजिदा सिद्दिकीले सोमबार हस्तान्तरण गर्नु भएको थियो ।
उक्त सामग्री कारितास जर्मनीको आर्थिक सहयोग तथा सिसा नेपाल दाङको समन्वयमा अस्पताललाई प्राप्त भएको तुलसीपुर उपमहानगरका कोभिड फोकल पर्सन बिमल केसीले जनाउनुभयो ।
उहाँका अनुसार सहयोग प्रदान गरिएका सामग्रीहरुमा कोरोनाको तेस्रो लहरको लागि आवश्यक पर्ने सामग्रीहरू १० थान सेमी folding bed ,२ ओटा अस्थाइ टेन्ट , १०थान PPE, ३थान नेबुलाजिर मेसिन , ५थान oxymeter, N 95 mask, surgical gloves 200 जोडा, ब्ल्यांकेट १०थान आदि रहेको छ ।
साथै उक्त अवसरमा सिसा नेपालकै सहयोगमा अस्पतालमा मनोपरामर्शको कार्य पनि भइरहेको र आगामी दिनमा पनि सहयोग रहदै जाने प्रतिबद्धता सिसा नेपालकि अध्यक्ष सिद्धिकीले व्यक्त गर्नुभयो ।