२१ जेठ
शहरी विकास मन्त्रालय अन्तर्गत रहेको सहरी विकास विभागको नयाँ सहर आयोजनाका प्रमुख उपसचिव रोशन श्रेष्ठको डेटिङ गर्दै गरेको भिडियो सार्वजनिक भएको छ ।
प्राप्त जानकारी अनुसार उनी गत आइतबार निषेधाज्ञा उल्लंघन गर्दै प्रदेश ३–०१–००२ झ ४९२२ नम्बरको सरकारी गाडीमा स्वयम्भूमा एक युवती सहित डेटिङ गर्न पुगेका थिए ।
उनीहरु प्रेमालाप गरि रमाइरहेको भिडियो विभिन्न अनलाइन समाचार माध्यम तथा सामाजिक सञ्जालबाट बाहिरिए पछी उक्त कुरा जानकारी भएको थियो ।
सार्वजनिक भएको भिडियोमा उपसचिव श्रेष्ठ र ति युवतीको अस्वभाविक गतिविधि देखिन्छ भने भिडियो खिच्ने व्यक्तिले सोधेको प्रश्नको जवाफ नदिइ उनीहरु दुवैजना सरकारी गाडी हुँइक्याएर भागेको देखिन्छ । श्रेष्ठसँगै रहेकी सो युवती शहरी विकास विभागमै काम गर्ने इन्जिनियर रहेको बताइएको छ ।
भिडियो बाहिरिए सँगै कारवाहिको माग भए अनुसार गृह मन्त्रालयले शुक्रबार जिल्ला प्रशासन कार्यालय काठमाडौंलाई पत्र लेख्दै गृहमन्त्रालयले अनुसन्धान गरी श्रेष्ठलाई के कारवाही भयो सो को विवरण समेत पठाउन निर्देशन दिएको छ ।
गृहमन्त्रालयबाट पत्र प्राप्त भएको र उक्त कुराको सुरुमा अनुसन्धान गरी कारवाही गरिने काठमाडौँका प्रमुख जिल्ला अधिकारी कालीप्रसाद पराजुलीले बताएका छन् ।