तुलसिपुर १५ असाेज
तुलसीपुरमा तेश्रो तरुण फुटसल प्रतियोगिता सुरु भएको छ । नेपाल तरुण दल तुलसीपुर ५ को आयोजनामा आज देखि फुटसल सुरु भएकाे छ ।
तुलसीपुर ५ का तरुण दल अध्यक्ष सुनिल डाँगीको अध्यक्षता तथा नेपाली कांग्रेस क्षेत्र नंं ३ का सभापति जगतबहादुर खड्काको प्रमुख आतिथ्यमा शुरु भएको प्रतियोगिताको उद्घाटन सत्रमा नेपाली कांग्रेसमा पूर्व क्षेत्रीय सभापति टोपबहादुर केसी, जिल्ला सदस्य राजु आचार्य, कांग्रेस क्षेत्र नं. ३ क का सभापति घनश्याम ढकाल, ख का सभापति खिमबहादुर वली, क्षेत्र नं. ३ का उपसभापति प्रमोद बस्नेत, तुलसीपुर ५ का वडा सभापति मदन धिताल, नेबिसंघका पूर्व केन्द्रिय उपाध्यक्ष प्रदिप खड्काले शुभकामना व्यक्त गरेका थिए ।
त्यसैगरी पूर्व केन्द्रीय केन्द्रिय सदस्य युबराज खड्का, तुलसीपुर उपमहानगरपालिकाका कार्यपालिका सदस्य तथा खेलकुद संयोजक माइकल नेपाली, दाङ जिल्ला फुटबल संघका जिल्ला अध्यक्ष सुशील श्रेष्ठ, बिपि कोइराला युबा नेतृत्व बिकास मञ्चका जिल्ला अध्यक्ष सरोज शाहलगायतले फुटसल प्रतियोगिताको सफलताको कामना गर्दै तरुण दल तुलसीपुर ५ ले जिल्लामै नमुना कार्य गर्दै आएको चर्चा गरेका थिए ।
साथै उनीहरुले नेपाली कांग्रेसलाई बलियो बनाउने पहिलो कर्तव्य तरुण बिद्यार्थीहरुको रहेको भन्दै पार्टीलार्इ बलियो बनाउने अभियानमा लाग्न आग्रह गरेका थिए ।कार्यक्रमको सहजीकरण नेबिसंघका नेता रेशम खरालले गरेका थिए । आज देखि सुरु भएको फुटसल प्रतियोगिता ३ दिन सम्म चल्नेछ ।