तुलसीपुर, दाङ, २६ भाद्र
तुलसीपुर उपमहानगरपालिकालाई दुई निजि अस्पतालहरुले ५ सय १५ थान भिटियम सहयोग गरेका छन । सहयोग गर्ने निजि अस्पताल मध्ये तुलसीपुर सिटि हस्पिटलले २ सय थान किट र मेट्रो काठमाडौं हस्पिटल काठमाडौंले ३ सय १५ थान किट सहयोग गरेको हो ।
उक्त भिटियम तुलसीपुर सिटि अस्पतालका संचालक विमल रिजाल, विनिल केसी र हेमराज शर्माले तुलसीपुर उपमहानगरपालिकाका मेयर घनश्याम पाण्डेलाई संयुक्त रुपमा हस्तान्तरण गरेका थिए ।
तुलसीपुरमा समुदायस्तरमा कोरोना संक्रमित व्यक्तिहरु भेटिन थाले पछि तुलसीपुर उपमहानगरपालिकाले लकडाउनको समयमा समुदायमा नै अन द स्पट स्वाव संकलन गरि पिसिआर परिक्षणको लागि दायरा वढाएको छ ।
यसरी परिक्षणको दायरा वढेसंगै तुलसीपुरमा भिटियमको अभाव खड्किरहेको थियो । उक्त सहयोगले कोरोनाको थप पिसिआर परिक्षणका लागि सहयोग पुग्ने जनस्वास्थ्यप्रवर्द्धन शाखाले जनाएको छ। हाल सम्म तुलसीपुरमा ३ हजार ५१ जनाको स्वाव परिक्षण गरिसकिएको छ।