गोरखा । बलात्कार आरोप लागेका पालुङटार नगरपालिका ४ का वडाध्यक्ष ठाकुरकान्त रानाभाट पुर्पक्षका लागि कारागार चलान भएका छन ।
बिहिबार गोरखा जिल्ला अदालतमा भएको थुनछेक बहसका क्रममा उनलाई पुर्पक्षका लागि थुनामा राख्न कारागार पठाउने आदेश भएको अदालतका श्रेस्तेदार विनोद अधिकारीले सिभिलखबरलाई बताए ।
गाउँकै १५ बर्षकी बालिकालाई बारम्बार जबरजस्ती गरेको आरोप लागेका वडाध्यक्ष रानाभाटलाई साउन १६ गते जिल्ला प्रहरी कार्यालय गोरखाबाट खटिएको विशेष टोलीले पालुङटारबाटै पक्राउ गरेको थियो । जबरजस्ती गरेको भन्दै बालिकाका बाबुले प्रहरीमा जाहेरी दिएका थिए ।
रानाभाटलाई उनी आवद्ध दल जनता समाजवाी पार्टीले साधारण सदस्यता समेत नरहने गरी पक्राउ परेकै दिन निलम्बन गरेको थियो ।सिभिल खबर .कम बाट।