नवराज तामाङ
साउदी अरेबियामा आवासीय अनुमतिपत्र (अकामा) नबनाईएका वा नवीकरण नगरिएकाहरुलाई नेपाल फर्काउने प्रक्रिया सुरु भएको छ ।
उक्त प्रक्रिया यहाँस्थित दूतावासले बुधबार सूचना जारीगरी जानकारी दिएको हो । दूतावासको सूचनामा ‘ साउदी सरकारले अकामा नबनाईका वा नवीकरण नगरेका १३५ जना नेपालीलाई बहिर्गमन भिसा( देश छोड्न अनुमति)’दिइएको उल्लेख छ ।
दूतावासको सूचनामा ‘ देश छोड्न अनुमति पाएका( एक्जिट भिसा लागेका ) ले ६० दिनभित्र आफ्नो खर्चमा स्वदेश फर्किसक्नु पर्ने’ उल्लेख गरिएको छ । सूचनामा ‘ स्वदेश फर्कने उडानको मिति पुनः जानकारी गराइने’ लेखिएको छ ।
लकडाउन अघि चलाएका मिनी एमेष्टी ( अकामा नभएका वा नवीकरण नगरेका प्रवासीद्वारा देश छोड्न गरिएका अनुरोध )बाट आएका विवरणका आधारमा साउदी सरकारले आममाफी दिइएको राजदूत महेन्द्रप्रसाद सिंह राजपुतले बताए । उनका अनुसार यो प्रक्रियाबाट साउदीमा अवैधानिक रूपमा रहेका भनिएका हजारौंको संख्या लाभान्वित हुनेछन् ।
लकडाउन अगाडि अकामा नबनाईका वा नवीकरण नगरेका झन्डै ३ हजारको हाराहारी संकलित नेपालीहरुको विवरण साउदी सरकारलाई बुझाइएको दूतावास उपप्रमुख दिलीपकुमार पौडेलले बताए । एक्जिट भिसा पाइसकेकाले तयारी गर्न, भिसा लाग्न बाँकी र निवेदन दिन बाँकी रहेकाहरुले दूतावासको आधिकारिक सूचना हेर्न उपप्रमुख पौडेलले आग्रह गरे ।
साउदीमा झन्डै ३ लाख २५ हजार नेपालीहरु रहेको अनुमान छ । त्यसमध्ये ११ हजारको हाराहारीमा महिलाहरु छिन् । महिला श्रमिकहरु अधिकांश सप्लायर्स कम्पनी कार्यरत छिन् । उनीहरूलाई सप्लायर्स कम्पनीले स्कुल, क्याम्पस, अस्पताल, एअरपोर्ट, पार्लर, रेस्टुरेन्टहरु लगायतमा सप्लाई गर्छन् ।
यहाँ सप्लायर्स कम्पनीहरुले अकामा नबनाउने वा नवीकरण नगर्ने नेपाली श्रमिकहरुको संख्या अत्यधिक छन् । थोरै सप्लायर्स कम्पनीले सेवा, सुविधा दिए पनि थुप्रै कम्पनीहरुले सामान्य मापदण्ड अपनाएको देखिदैन । अन्य नेपाली कामदारभन्दा सप्लायर्समा आएकाहरुको पीडित हुने गरेको दूतावासले जानकारी दिए । दूतावासका अनुसार झन्डै एकवर्ष अघिदेखि सप्लायर्स भिसा बन्द छ । तर यहाँस्थिति विभिन्न कम्पनीलाई नेपाली कामदार दिने उपलब्ध गराउनेहरुले भने धेरै जस्तो काम छोडेर भाग्ने ल्याउन रोकिएको छैन ।
नेपाली राजदूतावास रियादको पहलमा साउदी आवासीय अनुमतिपत्र (अकामा) नबनाइएका वा नवीकरण नगरिएका १३५ नेपालीहरुले नेपाल उडान गर्ने अनमति पाएका छन्राजदूतावासले निकालेको सुचना अनुसार वहिर्गमन भिषा (Exit Visa) का लागि राजदूतावासले विभिन्न समयमा सम्बन्धित नेपालीहरुबाट संकलन गरेका विवरण साउदी सरकारलाई उपलव्ध गराएको र साउदी सरकारले हालसम्म १३५ जना नेपालीहरुलाई बहिर्गमन भिषा जारी गरेको छ ।भिषा लागेकाहरु भिषा लागेको मितिले ६० दिनभित्र आफ्नो खर्चमा स्वदेश फर्किसक्नु पर्ने छ । स्वदेश फर्कने उडान र मिति आदिका बारेमा चाँडै जानकारी गराइने राजदूतावासले जनाएको छ ।
