वसन्त अनुभव
बंगलाचुली गाउँपालिकाको कमिरेचौरमा रहेको सिटिजन्स बैँक ईन्टरनेसनल लिमिटेड, कमिरेचौर शाखाले बंगलाचुली गापा कार्यालयलाई नगद रु.२५ हजार सहयोग गरेको छ ।
बैँकका शाखा प्रवन्धक सुनिल कुमार वमले बंगलाचुली गाउँपालिकाका प्रमुख प्रशासकिय अधिकृत नेव बहादुर वलीलाई रु.२५ हजारको चेक हस्तान्तरण गर्नु भएको थियो ।
बंगलाचुली गाउँपालिकाले कोरोना भाइरसको संक्रमण नियन्त्रण तथा कोरोना भाईरस महामारीका बखतमा देखिएका विविध समस्याहरु निराकरण गर्नका लागि सहयोगी दाताहरुमा सहयोगको लागि गरेको अपिल बमोजिम बैंकले आर्थिक सहयोग गरेको हो ।
बंगलाचुली गाउँपालिकामा सहयोग गर्न इच्छुक व्यक्ति वा संस्थाहरुले बंगलाचुली गापा स्थानीय तह प्रकोप व्यवस्थापन कोषको खाता नं. ग ७–२ ०६७०१००००००४७६२०१ मा रकम जम्मा गर्न सकिने प्रमुख प्रशासकीय अधिकृत नेब बहादुर वलीले बताउनु भयो ।