काठमाडौं । सरकारले आगामी जेठ २ गते सम्मका लागि आन्तरिक र अन्तरराष्ट्रिय हवाई उडानको आवागमनलाई रोक्ने निर्णय गरेको छ ।
उच्चस्तरीय समन्वय समितिको शनिबार बसेको बैठकले कोरोना रोकथाम तथा नियन्त्रण सम्बन्धमा सो निर्णय गरेको हो । यसअघि बैशाख १८ सम्मका लागि अन्तर्राष्ट्रिय र आन्तरिक उडान बन्द गरिएको थियो । कोरोना संक्रमण रोकथामका लागि उडान रोक्ने निर्णय भएको उनले बताए ।
तर बैठकमा लकडाउन अवधि थप्नेबारेमा कुनै निर्णय नगरी आगामी मन्त्रिपरिषद् बैठकमा छलफल भइ निर्णय हुने प्रधानमन्त्री तथा मन्त्रिपरिषद् कार्यलयका सचिव नारायण प्रसाद विडारीले जानकारी दिए । साथै उनले बैठकमा हालसम्म भएगरेका कामको समीक्षा गरिएको समेत बताए ।