काठमाडौं। नेपालमा कोरोना भाइरसको संक्रमण एक युवतीमा देखिएपछि शुरु गरिएको एक महिनादेखिको लकडाउनको स्वरुप कस्तो बनाउने भन्ने विषयमा छलफल भईरहेको छ। यस सम्वन्धमा कोरोना भाइरस (कोभिड–१९) संक्रमण रोकथाम तथा नियन्त्रण उच्चस्तरीय समन्वय समितिको बैठक अहिले बसिरहेको छ।
सिंहदरबारमा जारी बैठकमा लकडाउनको अहिलेसम्मको परिस्थिति र बिभिन्न स्थानको संक्रमणको अवस्थाबारे बैठक केन्द्रित रहेको बुझिएको छ। समग्र अवस्थाको विश्लेषण गरेर प्रधानमन्त्रीलाई भेट्ने र लकडाउनको स्वरुपबारे निर्णय दिइने उच्चस्तरीय समितिका संयोजक ईश्वर पोखरेलले जानकारी दिए।
पछिल्लो पटक थपिएको लकडाउनको अवधि वैशाख १५ गते सकिने भएको छ। अर्कोतर्फ कोभिड १९ को महामारी विश्वमा कायम रहेसम्म नेपालले लकडाउन सहज बनाएपनि पहिलेकै अवस्थामा सहज रुपमा फर्कन समय लाग्ने विज्ञहरुले औल्याएका छन्।
NepaliPatrika