वसन्त अनुभव
बेलझुण्डी, दाङ, १६ बैशाख
कोरोना अस्पताल बेलझुण्डी दाङमा भर्ना भएका ४ जना ब्यक्तिलाई आज डिस्चार्ज गरिएको छ । उनीहरुको पिसिआर जाँचका लागि पठाएको स्याम्पल जाँच पछि रिपोर्ट नेगेटिभ आएपछि डिस्चार्ज गरिएको हो ।
त्यस्तै तुलसीपुर उपमहानगरपालिका वर्डा नं २ मा सामुदायिक होम क्वारेन्टाइनमा वसेका व्यक्तिहरु मध्ये २ जनालाई आजै कोरोना अस्पताल बेलझुण्डीमा पठाईएको तुलसीपुर उपमहानगर, जनस्वास्थ्य प्रवर्द्धन शाखाका जस्वानी विमल केसीले जानकारी दिनुभयो ।
साथै उहाले रक्षाचौर क्वारेन्टाइनमा हालसम्म बसेका ५३ जना मध्ये २८ जनामा गरिएको आरडिटि टेष्ट नेगेटिभ आएको र १३ जनामा गरिएको पिसिआर टेष्ट पनि नेगेटिभ आएको छ । यस क्वारेन्टाइन स्थलबाट हालसम्म ३२ जनालाई १ हप्ता होम क्वारेन्टाइनमा बस्ने गरि पठाई सकिएको जानकारी प्राप्त भएको छ भने हाल यहाँ क्वारेन्टाइनमा बसिरहेका २१ जना व्यक्तिहरुको पनि स्वास्थ्य अवस्था सामान्य रहेको जानकारी प्राप्त भएको जानकारी दिनुभयो ।
त्यस्तै लक्ष्मीपुर कुमालगढि , वनकट्टा , कुईरेपानी,पोटली सामुदायिक होम क्वारेनटीनमा वसेका व्यक्तिहरुको स्वास्थ्य अवस्था पनि सामान्य रहेको बताउनुभयो । यस्तै बिजौरी स्वास्थ्यचौकीले भक्तपुर जिल्लाबाट यात्रा गरि फर्किएका ६ जना ब्यक्तिहरुको स्वास्थ्य अवस्था अवलोकन गर्दै तिनिहरुलाई होम क्वारेन्टाइनमा बस्न सल्लाह दिएको जानकारी दिनुभयो ।
त्यस्तै आज समिक्षालयमा संचालित हेल्थ डेस्कमा आज ६२ जनाको ज्वरोमापन तथा स्वास्थ्य परामर्श गरिएको छ । हालसम्म २३१२ जनाको स्वास्थ्य अवस्थावारे अनुगमन गरिएको र सवैको स्वास्थ्य अवस्था सामान्य रहेको पाइएको जानकारी दिनुभयो ।
साथै उहाँले समुदाय तथा टोल वासीले सडकमा हिड्ने, वेवारिसे, मानसिक सन्तुलन गुमाएका, मादक पदार्थ सेवन गर्ने व्यक्तिहरुलाई क्वारेन्टाईनमा पठाउने गरेकोले अव उप्रान्त त्यस्ता वेवारिसे, मानसिक सन्तुलन गुमाएका, मादक पदार्थसेवन गर्ने व्यक्तिलाई क्वारेन्टाईनमा नराखिने पनि बताउनु भयो ।