रियाद/साउदी अरब
विश्व व्यापीरूपमा अतांकित तुल्याएको कोरोना भाईरसको प्रकोप फैलिने क्रम साउदी अरबमा पनि बढ्दै गएको छ। COVID-19 कोरोनाको प्रभावलाई नियन्त्रण गर्नको लागी सम्भव भए सम्मको सबै संयन्त्र उपयोग गर्न साउदी सरकार लागी परेको स्पस्ट देखिन्छ ।
अन्तर्राष्ट्रिय उडानमा गत आईतवार बाट लागु हुने गरी दुई साताको लागी प्रतिबन्ध लगाएको थियो भने २१ मार्च २०२० शनिवार बाट लागु हुने गरी दुई साताका लागी थप आन्तरिक उडानका साथ साथै सार्वजनिक यातायातका बसहरू, रेल वेए सेवा र पब्लिक ट्याक्सीहरूलाई प्रतिबन्ध लागाएको छ।यस अघि नै साउदी सरकारले विद्यालय तथा विश्वविद्यालय, व्यापारिक केंद्रहरू, बालबालिकाको मनोरंजनार्थ खोलिएका फन पार्कहरू, सरकारी कार्यालय तथा मातहदमा रहेका एजेन्सी(सहजकर्ता) कार्यलयहरू बन्द गरिसकेको छ।घोषित प्रबन्धको अवधिमा मेडिकल क्षेत्र र सुपर मार्केटहरू खुल्ला रहने जनाएको छ। यसका साथै विशेष प्रकारका आवागमनहरू खुल्ला रहने जनाएको छ।
२० मार्च शुक्रबार साँझ सम्ममा साउदी अरबमा नयाँ ७० जना संक्रमित सहित ३४४ जनामा COVID-19 कोरोना भाईरसको संक्रमण पोजेटिभ भेटिएको छ।