यी सामान्य स-साना कुराहरुमा ध्यान दियौ भने पनि कोरोना संक्रमणबाट बच्न र रोकथाम गर्न सकिन्छ ।
हामीले हाम्रो घरपरिवारमा गरिने दैनिक क्रियाकलापमा पनि केही सुधार र सावधानी अपनायौ भने पनि प्राणघातक कोरोना भाइरसबाट वच्न र रोगको रोकथाम गर्न सक्छौ । तसर्थ यहाँ केही टिप्सहरु प्रस्तुत छ्न ।
हातमा औंठी तथा घडी नलगाऔं । साबुनले हात धोएपनि औंठी तथा घडीको पछाडि भाइरस रहन सक्छन ।
नङ नपालौं ।
बाहिरबाट घर आएपछि मोबाइल फोन, चस्मा, ब्याग, कपडा, जुत्ता, मोजा, साँचो, आदिलाई घाममा सुकाउने गरौँ ।
सकभर पत्रिका घरभित्र नराखौं । अनलाइन संस्करण पढौं ।
पैसाबाट कोरोना भाइरस सर्न सक्छ । पंजा लगाएर पैसाको काम गरौँ । पैसालाई घाममा राखौं ।
दुधको प्याकेट, बजारबाट ल्याएको सामान, अनलाइन अर्डर गरेका सामानलाई निसंक्रमण गरौँ ।
अन्य व्यक्ति भेट्ने कोठामा एक्जिट फ्यान राख्ने, झ्याल खोल्ने गरौँ ।
स्विमिङ नगरौं ।
दाहिने हातलाई ( बायाँ हात चलाउनेले बायाँ हात ) अनुहार छुनबाट नियन्त्रण गरौँ ।
मान्छेभन्दा अलि टाढा गएर वा रुमालले मुख छोपेर खोक्ने, हाच्छ्युं गर्ने गरौँ ।
बाहिरका सबै सामान र सबै व्यक्तिलाई शंका गरौँ ।
घरभित्र आउँदा आफुलाई शंका गरौँ।
मास्कलाई कहिल्यै पनि खल्ती वा ब्यागमा नराखौं । घरबाहिर सुरक्षित तरिकाले डिस्पोज गरौँ ।
देवता सर्वव्यापी हुन्छन् भन्ने मान्यता राख्नुहुन्छ भने घरबाट नै पुजा गरौँ ।
हरेक व्यक्तिसंग १.५ मिटरको दुरी कायम गरौँ ।
पाहुना जाने, बोलाउने संस्कृतिलाई स्थगित गरौँ ।
हतारिएर धेरै सामग्री तथा औषधि संकलन नगरौं । संक्रमण भयो भने तपाइंले जम्मा गरेका औषधि उपयोगी हुँदैनन् । त्यस्तै तपाईलाई संक्रमण भयो भने तपाइंले किनेका खाद्य पदार्थ तपाईंले खान सक्नुहुन्न ।
कडा औषधि तथा स्टेरोइड सेवन नगरौं । गरेका छौं भने आफ्नो चिकित्सकलाई जानकारी दिएर घटाउदै हटाउने तरिका सिकौं ।
सरकारले लगाएको लकडाउनको अनुशासित भइ पालना गरौ । अत्यावश्यक काम बाहेक लकडाउन समयमा घरा बाहिर ननिस्कौ ।