ईलाका प्रहरी कार्यालय पकडीले कोरोना भाईरसको सचेतना गराउदै ॥

कपिलवस्तु – कोरोना भाईरस संक्रमणको त्रास नेपालमा बढ्दै गएपछि कपिलवस्तुमा नेपाल प्रहरीले कोरोना भाइरसको विषयमा जनचेतना मुलक र्‍यालीगरेको छ । समुदाय प्रहरी साझेदारी कार्यक्रम अन्तर्गत ईलाका प्रहरी कार्यालय पकडीले कोरोना भाईरस विरुध बृहत जनचेतना मुलक र्‍यालीगरेको हो । ब्यानर सहित गरिएको कोरोना भाईरसको सचेतना र्‍याली मुख्य चोक बाट बजारको  परिक्रमा गरी पुन चोकमा आई कोण सभामा परिणत भएको थियो । प्रहरीले गरेको सचेतना मुलक र्‍यालीमा मायादेबी गाउँपालिका वडा नंम्बर १ अध्यक्ष हरिगोबिन्द चौधरी , प्रहरी सहायक निरीक्षक पराग यादब , अस्थाई ट्राफिक प्रहरी कार्यालय पकडी प्रमुख पावन चौधरी , मायादेबी बजार व्यवस्थापन समिति अध्यक्ष परमात्म आग्रहरी , समाजसेबी तथा युवा नेता कमलेश चौधरी , युवा नेता चन्द्र बढाई , नागरिक समाजको अगुवा , यातायात व्यवसायी , व्यापारी , शिक्षक , विद्यार्थी लगायत करिब २०० जनाको उपस्थिति रहेको थियो ।