सिन्धुलीमा ५५ केजी गाँजासहित छ जना पक्राउ परेका छन्।
शनिबार हरिहरपुरगढी गाउँपालिका-७ केमनचुलीस्थित क्यान भुताहा जाने सडकखण्डमा प्रहरीले छ जनालाई गाँजासहित पक्राउ गरेको हो।
जिल्ला प्रहरी कार्यालयले सोही बाटो हुँदै लागुऔषध गाँजा लुकाइछिपाइ विक्री वितरण भइरहको भन्ने सूचनाका आधारमा चेकजाँच गरेको थियो।
मंगलबार जिल्ला प्रहरी कार्यालय सिन्धुलीले प्रेस विज्ञप्ति जारी गर्दै उक्त चेकजाँचमा तीन मोटरसाइकलमा आएका छ जना व्यक्तिहरूसँग तीन वटा बोराभित्र ५५ केजी गाँजा फेला परेको बताएको छ।
प्रहरीले हरिहरपुर गाउँपालिका-७ बस्ने १८ वर्षका सन्तोष स्याङतान, आकाश बल, २४ वर्षका अंकित मुक्तान, सरोज स्याङतान, बागमती नगरपालिका-४का २४ वर्षीय श्रवन कुमार वाइबा र मरिण गाउँपालिका-२ का ३५ वर्षीय तिलकध्वज मुक्तानलाई पक्राउ गरेको हो।
साभार सेतोपाटिबाट