साताको पहिलो दिन नेप्से कारोबार ह्वात्तै बढेको छ।
आज एकैदिनमा २ अर्ब ७ करोड ७९ लाखको शेयर कारोबार भएको नेपाल स्टक एक्सचेन्ज नेप्सेले जनाएको हो। कारोबार बढेसँगै नेप्से परिसूचक पनि २१.२६ अंक बढेर १३४६.६४ अंकमा पुगेको छ।
आइतबार १ सय ७५ कम्पनीको ५३ लाख ४६ हजार कित्ता शेयर खरिदबिक्री भएको छ। आज ठूला कम्पनीको कारोबार मापन गर्ने सेन्सेटिभ सूचक पनि ४.९९ अंकले बढेर २८६.७५ अंकमा पुगेको छ।
आज व्यापार र जीवन बीमा उपसूचक बाहेक अन्य सबै सूचक बढेका छन्। सबैभन्दा बढी निर्जीवन बीमाको शेयर १०१.५२ अंकले बढेको छ। यस्तै, उत्पादन उपसूचक ४७.७८, विकास बैंक २८.३२ तथा बैंकिङ उपसमूहको परिसूचक २७.०४ अंकले बढेको छ।
कारोबार रकमका आधारमा आज सूर्य लाइफ इन्स्योरेन्स अगाडि रहेको छ। सुर्य लाइफ बीमा कम्पनीको १० करोड ११ लाख रुपैयाँ बराबरको २ लाख ११ हजार कित्ता शेयर खरिदबिक्री भएको छ।त्यसैगरी, ग्रामीण विकास लघुवित्तको ९ करोड ४८ लाख रुपैयाँ बराबरको शेयर किनबेच भएको छ भने एनआईसी एशिया बैंक, प्रभु बैंक, हिमालयन डिष्टिलरी र नेपाल लाइफ इन्स्योरेन्सको कारोबार रकम ६ करोड नाघेको छ। सेतोपाटिबाट