–वसन्त अनुभव-
रोल्पा,१३ माघ / रोल्पामा आज एक जिप दुर्घटनाग्रस्त भएको छ । रेडियो नेपालका कर्मचारीहरु सवार जिपको ब्रेक फेल हुँदा सुनिलस्मृति गाउँपालिका ४ स्थित प्रदेशनगर ‘ख’ मा दुर्घटना भएको थियो । रोल्पास्थित एफएम टावर मर्मत गरेर दाङ फर्कने क्रममा बा १ झ ७११७ नम्बरको जीप दुर्घटना हुन पुगेको थियो ।
जीप दुर्घटना परी रेडियो नेपाल, प्रादेशिक प्रसारण कार्यालय दाङका कार्यालय प्रमुख लक्ष्मण पाण्डे, प्राविधिक अधिकृत परमेश्वर सुक्ला, इन्जिनियर शोरभ कार्की, वरिष्ठ प्राविधिक अधिकृत सुभास शाह, गीरिराज निरौला, प्रशासकिय अधिकृत मनोज गुप्ता र सवारी चालक श्रीधर थापा घाइते भएका छन्। घाइतेलाई उपचारका लागि एम्बुलेन्सबाट कोहलपुर लगिएको छ।