-वसन्त अनुभव–
चर्चित एवं लोकप्रिय पत्रकार, गीतकार लोकराज अधिकारीलाई दाङ जिल्लाको तुल्सिपुरमा सोमबार चलचित्र पत्रकार संघ, दाङले सम्मान गरेको छ । संघको चौथो अधिबेशनका अबसरमा गीतकार अधिकारीले सुगम संगीत र चलचित्र गीतीलेखन क्षेत्रमा पुराएको योगदानका कदरस्वरुप सम्मान गरिएको हो ।
चलचित्र बिकास बोर्ड नेपालका पुर्ब अध्यक्ष डा.अमर गिरी, चलचित्र पत्रकार संघका केन्द्रिय उपाध्यक्ष दिनेश सिटौला, नेपाल पत्रकार महासंघ, दाङ शाखा अध्यक्ष सविन प्रियासन लगायतले गीतकार अधिकारीलाई दोसल्ला र सम्मानपत्र बाट सम्मान गरेका थिए । कार्यक्रम चलचित्र विकास बोर्ड नेपालका पुर्ब अध्यक्ष डा. अमर गिरीको प्रमुख आतिथ्य एवं संघका निबर्तमान अध्यक्ष ध्रुबराज न्यौपानेको सभापतित्वमा भएको कार्यक्रममा विभिन्न बक्ताहरुले चलचित्र पत्रकार संघ दाङको गतिविधि बारे बोल्नु भएको थियो । साथै अधिवेशनबाट शिव पुनको नेतृत्वमा नयाँ कार्यसमिति गठन गरिएको थियो ।
केही दिन पहिले दाङ जिल्लामै पहिलो पटक पहल नेपालको आयोजना संचालन भइ समापन गरिएको बुद्ध सरयू चलचित्र महोत्सव २०७६ का अबसरमा पनि गीतकार अधिकारीलाई सम्मान गरिएको थियो । उक्त कार्यक्रमका प्रमुख अतिथी एवं प्रदेश नं. ५ का सभामुख पुर्ण बहादुर घर्ती, प्रदेश सभा सभासद दामा शर्मा लगायतका अतिथीहरुको हातबाट गीत – संगीत साधना सम्मान २०७६ बाट अधिकारीलाई सम्मान गरिएको थियो।