२९ मंसिर, । काठमाडौंको चन्द्रागिरि नगरपालिका–११, सतुङ्गलमा गौरिशकंर पेन्टस कारखानामा आगलागी भएको छ । विद्युत सर्ट भएर आगो लागेको प्रहरीको प्रारम्भिक अनुसन्धानले देखाएको छ ।
महानगरीय प्रहरी बृत्त, थानकोटका प्रमुख डीएसपी कुमारविक्रम थापाले अहिले दुई वटा दमकल र दुई वटा पानीको ट्यांकरले आगो नियन्त्रणमा ल्याएको छ ।
पेन्टसका सञ्चालक आनन्द रौनियारले प्रहरी सक्रियता र नगरपालिकाको साथ र सहयोगका कारण ठूलो क्षेति हुन नपाएको बताए ।
आगलागीमा रङ्ग बनाउने मेशिन, केमिकल, कागजपत्रसहित अन्य सरसामान जलेर नष्ट भएको बताइएको छ ।
क्षतिको विवरण संकलन भइरहेको बताइएको छ ।
श्रोत अनलाईनखबर