दाङ, २४ मंसिर,
दाङ जिल्लाको गढवा गाउपालिकामा एक घरमा मगंलबार आगलागी भएको छ ।
गढवा गाउपालिका वडा नं. ७ बिजयपुर निवासी चुमा थापाको खरले छाएको एकतले घर आगलागी भएको हो । उक्त आगलागीबाट निजको घरमा रहेको अन्नपात, भाडाकुडा लगायतका सामग्री जलेर नष्ट भएको छ । आगलागीबाट कुुुनै मानविय क्षति भने भएको छैन ।
घर आगलागी हुँदा करिब सवा लाख रुपैँया बराबरको क्षति भएको जिल्ला प्रहरी कार्यालय दाङले जनाएको छ । बिहान करिब सवा १ बजेतिर लागेको आगलागीलाई विहान करिब २ बजेतिर नियन्त्रणमा लिई सकिएको थियो।