गीत

वसन्त अनुभव
गीत
म कसरी हाँसु प्रिय, देश रोएको बेला ।
छिमेकीले सिमा मिच्दै, गरेको छ हेला ।

कैले भन्छ सुस्ता मेरो, कैले लिपियाधुरा ।
ग्रेटर नेपाल सानो पार्यो, भैन इच्छा पूरा ।
छिमेकीकै स्तुतिगानमा, मस्त छन रे चेला ।
म कसरी हाँसु प्रिय, देश रोएको बेला ।
छिमेकीले सिमा मिच्दै, गरेको छ हेला ।

कैले गर्ने नाकाबन्दी, नालापानी मिच्ने ।
जति सह्यो मित्र भनी, उस्ले मात्र थिच्ने ।
धन बलको रवाफमा, सधै यस्तै खेला ।
म कसरी हाँसु प्रिय, देश रोएको बेला ।
छिमेकीले सिमा मिच्दै, गरेको छ हेला ।

दाङ