काठमाडौ, ५ कात्तिक। साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको ५६ औँ शृङ्खला कार्तिक ५ गते शनिबार सम्पन्न भएको छ ।
अभ्यासमा नेपाल लगायत विश्वका १ सय ११ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको ५६ औँ शृङ्खलाको लागि समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको प्रतिनिधि टुक्का
किन चाहियो मखमली, सयपत्रीको माला ?
प्लास्टिकको छदैछ सस्तो, नओइलनेवाला ।
✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
आयो गयो यो दसैँ र तिहार,
परदेशीको खाली भो निधार ।
🌑प्रकाश घिमिरे
बौदिकाली गाउपालिका३ रकुवा नवलपुर हाल कतार
[२]
हुनेखानेहरूलाई तिहार,
नहुनेलाई भारत बिहार ।
🌑देवराज भट्ट
[३]
हेर्दा आकर्षक झिलिमिली देखावटी प्लाष्टिकका फूल,
न सुगन्ध न उपयोगी ब्यापारीले गरे पैसा असूल ।
🌑रचना शर्मा प्रतीक्षा
महालक्ष्मी न. पा. ललितपुर ।
[४]
यो जिन्दगीलाई तिहारको न टीका न माला,
एक्लो बेमतलबी जिन्दगी जता जाला जाला ।
🌑प्रदीप के रिमाल
इटहरी, सुनसरी
[५]
माया धेरै गर्छु है, नजाने नि मुसार्दिन गाला,
तिम्रो भाइ लड्छ पहिला दिदी गए ज्यानै जाला ।
🌑अमर ‘दिपु’
रूपन्देही
[६]
वर्षमा एकचोटि मात्र आउँछ तिहारको दिन भाइटिका।
मखमली सयपत्री फूल नहुँदा, लागिहाल्छ नि फेरि फिका ।
🌑कबिताहरी
सुन्दर हरैंचा नगरपालिका १ मोरङ
[७]
सदियौँदेखि चल्दै आएको हो हाम्रो रीतिरिवाज,
के गर्यो आधुनिकले छैन यहाँ कसैमा लेहाज ।
🌑प्रतीक
[८]
आधुनिक भाे जमाना याे सबै कुरा नक्कली
सामान मात्र कहाँ हाे र मान्छे छैनन् सक्कली।
🌑ताराप्रसाद चापागाईँ
धुनिबेसी
[९]
सयपत्री मखमली कहिले सुक्ने छैन,
चेली माइती चोखो माया ओइलिने हैन ।
🌑संझना काफ्ले
हाल अमेरिका
[१०]
छैन फूलको माला दिदी प्लास्टिकको माया कस्तो,
दक्षिणा पनि फोन पे गरौँ कि ? त्यही पर्ला सस्तो ।
🌑सुदिप जोशी
भानु न.पा. १० तनहुँ
[११]
सयपत्री र मखमली मालाले तिहार बोलायो ठान,
हे साथी प्लास्टिकको माला काम चलाउनु मात्र हो जान ।
🌑रतन पाण्डे’पारतन’
दार्जीलिङ।
[१२]
आधुनिक जमानाले गरायो सबै नक्कली पारा,
यस्तैमा भुल्ने भए मान्छे कहाँ छन् र सक्कली सारा ।
🌑बेदु न्यौपाने
काठमाण्डौँ
[१३]
सक्कली फूल ओइलिएर गयो,
नक्कली फूल बजारभरि भयो ।
🌑भुपेन्द्र राना मगर
धादिङ
[१४]
आयो तिहार नगास चेली सयपत्री र मखमलीको माला,
यो साल पनि आउँन पाएन अभागी परदेशी यसपाला ।
🌑रबि दुलाल
हाल: साउदि
[१५]
बाहिर झिलिमिली देखिने सहरियाको चाला,
गाउँले जीवनमा सुहाउँदो मखमली माला।
🌑मनोज खत्री अछामी
[१६]
आफैँ उत्पादन गरेको चिज लगाउनु हुन्न,
हतार गरेका छौ विदेशी माला घाँटीमा बुन्न ।
🌑साहित्य प्रेमी सलिन
[१७]
मखमली फूल माला लाउन पाइनँ यसपाली
परदेशी हुँ परदेशमा छु मेरो निधार खाली ।
🌑प्रेम सुनार
[१८]
आहा ! यसपाली त तिहारमा वसन्त जो छाउने,
भाइले त वर्षौँ नओइलाउने पो माला लाउने ।
🌑गिता_ढुङ्गाना
निलकण्ठ ५, धादिङ
[१९]
दसैँ तिहार चाडपर्व नेपालीको परम्परा,
प्लास्टिक भए खाली हुन्छ हाम्रो खेतीयोग्य धरा ।
🌑देवराज उप्रेती
[२०]
प्लास्टिक माला लाइदैँन सयपत्री त्याे छाेडी,
माैलिकतामा रमाउने हाे आफ्नै बारी गाेडी ।
🌑त्रिलोचन भण्डारी
मेचीनगर,झापा
[२१]
मखमली प्राकृतिक सुन्दर फूलको माला,
लगाइदिए दाजुभाइको आयु बढी जाला ।
🌑गंगा खड्का
बूढानीलकण्ठ , काठमाडौँ
[२२]
जब जब तिहार आउँछ सधैँ रुँनुपर्छ,
परदेशी आँखाबाट टिलपिल आँसु झर्छ ।
🌑चेतन खनाल (दाह्रीवाला)
बङ्गलाचुली १ दाङ्ग
[२३]
दाजुभाइका जीवनभर खुसी डुलिरहून्
मेरो घरको आँगनीमा हजारी फूलिरहून् ।
🌑माधवी भट्ट
सुर्नया ३ गोयली ( बैतडी )
[२४]
जे छ आफ्नो त्यसमा नै रम्ने गरौँ हामी,
प्रकृतिले नै दिएको छ सुन्दर फूल दामी ।
🌑सूर्यमणि रेग्मी
चितवन(हाल अस्ट्रेलिया )
[२५]
विदेशीका प्लास्टिक राम्रा झन् आकर्षक खास,
खेतका आली गरा बाँझाे राखी अर्कैकाे आस ।
🌑निरज कोइराला
बेलका १ उदयपुर, हाल इटहरी
[२६]
विदेशी बत्ती किन्यौँ भने मुद्रा उता जाला,
बाल्नुपर्छ तेलका दिया कति राम्रा पाला ।
🌑देवी पन्थी
[२७]
मखमली र सयपत्री मालामा दिदीको प्यार,
आजैदेखि गरौँ सबले प्लास्टिकको बहिष्कार ।
🌑अर्जुन प्रसाद बेल्बासे
अर्घाखाँची सिद्दारा ४ साविक हाल सितगँगा १० कर्मथलो कपिलवस्तु सिवराज ५ चन्द्रौटा बजार ।
[२८]
आधुनिकको विष फूलमा पनि चढ्यो,
प्लास्टिक आएर यो छातीमाथि नै गढ्यो।
🌑सुरेशकुमार पान्डे।
दाङ घोराही१८
[२९]
जुटाऔँ फूल तुरुन्त माला बुनौँ मखमली,
कहिल्यै पनि नओइलिने गुण झलझली ।
🌑मिम प्रसाद पौडेल
पोखरा-१७ बिरौटा
[३०]
प्लास्टिक फूलको हुने भए धार्मिक अर्थ,
मखमली, सयपत्री किन फुल्थे र व्यर्थ ?
🌑म्यामराज राई,
भोजपुर
[३१]
सारङ्गीको धुन लाग्छ भुँ भुँ भमराले डुल्दा,
सुर मिलाई गाऔँ लाग्छ बारीमा फुल फुल्दा ।
🌑पदम लुईटेल,
उर्लावारी -५, मोरङ
[३२]
सयपत्री, गोदावरी ओइलिएर जाने,
प्लास्टिकको माला हुन्छ कटक्कै मन खाने ।
🌑डम्बर थामी ‘अनुपम’
कालिन्चोक गा.पा.-६, दोलखा ।
[३३]
प्लाष्टिकले प्रकृतिको अनुपम सृष्टिलाई कहाँ भेट्दछ र हेर नानी !
टालटुले तरिकाले नमनाउँ पर्व बिग्रन्छ मौलिकता र राम्रो बानी !
🌑पवन कुमार बुढाथेाकी
काठमाडौं , हाल सिडनी
[३४]
वर्षमा एकपटक आउँने यो तिहार,
खुसी होऔँ सबैजना नबिगारौँ संस्कार।
🌑अर्जुन प्रसाद चौलागाई
रामेछाप:सुनापति-१
हाल:अमेरिका,बोस्टन
[३५]
मखमली सयपत्री सुगन्धित माला,
प्लास्टिक मालाले छिनमै बिगार्छ छाला।
🌑राज कुमार राजभण्डारी खाेटाङ्गे
मध्यपुर थिमी ५ सङ्गम काेलाेनी भक्तपुर
[३६]
सानो घर छ सहरमा न छ फूल रोप्ने ठाउँ,
महङ्गो मान्छन् सयपत्री सस्तो नक्कलीको भाउ ।
🌑विकलता
दाङ।
[३७]
आँखामात्र तिरमिर सुगन्ध त छैन,
प्राकृतिक फूल जस्तो कदापि हुँदैन ।
🌑साँग्रीस मानन्धर मोती
हाल:- रुपन्देही
[३८]
प्लास्टिक फूलमा व्यर्थ के सुवास छ र,
सयपत्री गोदावरी किन राख्छौ पर ?
🌑बुद्धराम थिङ
बागमती, ललितपुर
[३९]
बुझ्नसँके कति कति नओइलिने मखमलीको अर्थ,
भो पर्दैन दिदीबहिनी प्लास्टिकको माला नकिन ब्यर्थ ।
🌑शंकर कार्की
थाहा,३ मकवानपुर।
[४०]
राम्रै हो मखमली माला,
सुधारेमा त हाम्रो चाला ।
🌑राज कुमार कार्की
कटारी-१उदयपुर
[४१]
प्लास्टिकभन्दा सयपत्री छिट्टै ओइलाए पनि,
शोभनीय गलामा दाजुभाइको भूषण बनी ।
🌑शान्ति चन्द पाल
[४२]
परम्परादेखि मखमली र सयपत्री ल्याइयो,
आधुनिकमा किन पो आखिर प्लास्टिकको चाहियो ।
🌑सुजन कटुवाल
भोजपुर
[४३]
विदेशीकै देखासिकी गरी आफ्नो संस्कृति भुल्यौ,
मखमली र सयपत्री फाली प्लास्टिकमा खुल्यौ ।
🌑क्यार्थिन घर्ती मगर
[४४]
मालाको के कुरा गर्नु सरकार त नक्कली भयो,
त्यस्ता फूलमालाको जमाना अब त बिस्तारै गयो।
🌑मल्ल लक्ष्मी श्रेष्ट
मेची किनार
बिर्तामोड झापा
[४५]
हामी बुझ्छौँ या बुझ्दैनौँ स्वाधीनता अनि पराधीनता,
आत्मनिर्भर बन्न नसकेर दिमागी किन हीनता ?
🌑प्रेम थापा “मन”
बागलुङ
[४६]
मान्छे धेरै अल्छी भए बाँझै बारी हेर,
तिहारमा प्लास्टिककै माला किन्छन् धेर ।
🌑भगवती दवाडी
दमक, झापा
टुक्का माथी टुक्का शृंखला ५६
[४७]
सयपत्री रोप्ने बेला टिकटकमा पसे,
प्लास्टिक फूल मालामा माइती राजा फसे।
🌑बिके मुखिया
दार्जीलिङ भारत।
[४८]
नओइलने प्लास्टिकको सस्तोवाला माला,
लगाइदिदा तिहारको अस्तित्व नै जाला ।
🌑भेष कुमारी लामिछाने
देवदह ०५ खैरेनी , रुपन्देही ।
[४९]
फिक्का लाग्छन् सबै रङ्ग दियो फूल-माला,
देखावटी भो तिहार अनि टीका-टाला ।
🌑ख्याम खतिवडा
[५०]
विदेशीको नक्कलले नेपाल हाम्रो खोक्रो भयो,
सयपत्रीको मूल्य छैन्, प्लास्टिक माला किन्न गयो ।
🌑एवाइ प्रभात
धनकुटा । हाल मोरङ
[५१]
विकृतिलाई फैलन दिन हुन्न अब,
संस्कृतिको जगेर्ना मिलेर गरौँ सब ।
🌑सावित्री भण्डारी
लमजुङ
[५२]
फूल रोपौँ थरी-थरी घर वरिपरि सुगन्ध छाउँछ,
लगाउन मखमली बास्नादार माला तिहार आउँछ।
🌑तेजप्रसाद खनाल
लमही दाङ।
[५३]
आडम्बरी देखावटी कृत्रिम भो चाला,
अनर्थ भए ओइलने फूलका माला ।
🌑बिबस पारदर्शी
भद्रपुर झापा,
[५४]
नक्कली छ सबै यहाँ फूल माला पनि,
भन्छौँ हामी गर्व गर्दै संस्कृतिका धनी।
🌑रामजी लामिछाने
[५५]
दसौँ वर्ष नओइलने बनाइदिए माला,
वनमै बस सयपत्री र मखमली वाला।
🌑होम प्रसाद नेउपाने
बुढानिलकण्ठ ।
[५६]
प्लास्टिकको फूल सजाउने ठिक होइन चाला,
तिहारको शोभा सयपत्री र मखमली माला ।
🌑बिके माकजु
भक्तपुर ।
[५७]
परापूर्व कालदेखिकाे संस्कृति बचाउँला,
मखमली र सयपत्रीकाे माला लगाउँला ।
🌑पूर्णिमा उप्रेती मिश्र
धनगढी
[५८]
कलि आयो बली,
छन् सबै नक्कली ।
🌑कृष्ण हरि नेपाल
[५९]
सयपत्री मखमली नओइलने फूल,
चाडपर्व र रीतिथिति संस्कृतिको मूल ।
🌑कमला देवकोटा
[६०]
खेतीपाती गर्न हामी नेपालीहरूको कति अल्छी पारा,
तिहार आयो फूलमाला भारतबाट भित्र्याउँछन् सारा ।
🌑रोहित बराम
गोर्खा
[६१]
कस्तो आयाे बेलाबखत फेर्याै आनीबानी ,
माला बनाई प्लास्टिककाे बेर्याै जानाजानी ।
🌑रामकृष्ण दुवाडी
[६२]
दसैँभर झरी भयो त तिहार बित्यो प्लास्टिकको फूलमा,
संस्कृति तहसनहस हुँदै गा,को छ विकृतिको भूलमा !
🌑राधिका अधिकारी
[६३]
दियो पाला हराएपछि केको तिहार,
खुसी सर्वत्र देखिन्छन् र ! भित्रै निहार।
🌑अङ्गत धामी
[६४]
देख्दै तान्यो झ्याप्प आँखा प्लास्टिकको डाला,
किन उन्नु बेर्थैमा फूलैफूलको माला ।
🌑शिव कुमारी बस्नेत
कावासोती ७
[६५]
माैलिक संस्कृतिलाई अनुसरण गर्दै,
हटाएर नक्कली चिज बढौँ अघि सर्दै ।
🌑वासुदेव पौडेल
[६६]
मखमली फूलजस्तो त अरू हुँदैनन् राम्रो,
नक्कली माला हटाई जोगाऔँ संस्कृति हाम्रो ।
🌑गीता पौडेल।
[६७]
सयपत्री र मखमली पवित्र भेटघाट,
आत्मियता के रहला र खै त्यो प्लास्टिकबाट ।
🌑अनिता भुर्तेल
पोखरा २८ माझठाना
[६८]
प्लास्टिकको छाती र घरमा फूलमाला पनि प्लास्टिककै लगाउनु,
स्थानीयलाई किनार लगाउँदै बाहिरकालाई सधैँ जगाउनु ।
🌑दीपक ठटाल जलन,२२.१०.२२
[६९]
मानिस कमाउ धन्दामा लागेका प्लास्टिककाे माला बेचेर,
मखमली सयपत्री पलायन गरि आफ्नाेपन बिर्सेर ।
🌑शर्मिला खतिवडा
विर्तामोड ,झापा
[७०]
सुक्दछन् सुन्दर फूल, बगैँचामा कठै फुली,
नक्कली माला किन्छ मान्छे बजार डुली डुली ।
🌑कौशिला चौहान
सिदिङ्वा गा.पा.ताप्लेजुङ!
[७१]
मखमली र सयपत्रीको बास्ना आउँछ हरर,
प्लास्टिकको फूल आँखा बिगार्ने झिलिमिली सरर ।
🌑अम्विका अधिकारी
झापा विर्तामोड
[७२]
पौराणिक रौनक तिहारको खै कता भाँसियो?
सुगन्धित सयपत्री, मखमली सारा नाँसियो ।
🌑बि.कुलुङ
दार्जिलिङ
[७३]
मखमलीझैँ नओइलिने कायम राख्नू सम्बन्ध,
सक्कलीमा जस्तो नक्कलीमा कहाँ मिल्छ र सुगन्ध ?
🌑पेम्बादोर्जे भोम्जन तामाङ
बकैया गाउँपालिका -११, गमल्टार, मकवानपुर ।
हाल श्री जनजागृति माध्यमिक विद्यालय बकैया -०८, मकवानपुर ।
[७४]
नओइलने प्लास्टिकको मालामा सुगन्ध हुँदैन,
यसले सच्चा चेली र माइतीको हृदय छुँदैन ।
🌑अरुण कु.भुजेल
गोरूबथान,कालेबुङ्ग,भारत।
[७५]
सयपत्री र मखमलीकै तिहारमा चाहिन्छ माला ।
प्लास्टिक त विष हो हजुर, बालौँ ज्योती बनाई पाला ।
🌑राजु भुसाल “रुपेक्स”
फलेवास न. पा. ३ पर्वत
[७६]
नक्कली सामानकाे चलनचल्तीले सक्कली विस्थापित भयो,
के जमाना आयाे हेर्दाहेर्दै, दुनियाँनै नयाँ चलनमा गयाे।
🌑शाेभा आचार्य गाैतम
काठमाडौ
[७७]
नगरौँ अब यस्ता नक्कली सामानको उपभोग
प्रकृति प्रदत्तलाई मिलेर गरौँ सदुपयोग ।
🌑अनुग्रह राना मगर ‘पुष्प’
पाँचखपन नपा – ६ संखुवासभा हाल मलेसिया
[७८]
मखमली, सयपत्रीले जुन सुगन्ध छर्छ,
पाइन्न त्यो प्लास्टिकमा जानकारी बुझ्नुपर्छ ।
🌑विनोद प्रसाद जोशी
दशरथ चन्द नगरपालिका ०९ ग्वाल्लेक बैतडी
[७९]
प्लास्टिक र भारतका फूलमा आयात नहुँदा बन्द,
गाउँघरमा फूलका बोट खेती आजकाल भो मन्द ।
🌑रन्जना के सी
हाल पोखरा
[८०]
रोपेकी छु सयपत्री अनि मखमली फूल,
प्लास्टिकको राम्रो लाग्नु हजुरको सोच भुल।
🌑कौशली तामाङ
काभ्रे,तेमाल -८
[८१]
खेतबारी बाँझै छन् नक्कलीकाे बिगबिगी छ हिजोआज यत्रतत्र ,
पसिनाले भिजेन धर्ती विदेशी प्लास्टिक माला राज छ एकछत्र ।
🌑प्रद्युम्न चालिसे
[८२]
चेली माइती सम्बन्धलाई सुगन्धित बनाउन,
झिलिमिली यो तिहार पर्व हाँसीखुसी मनाउन ।
🌑मन्दिरा सेढाई
मलेखु,धादिङ
[८३]
धेरै महङ्गो भो मखमली र सयपत्री कहाँ पाउँनु,
प्लास्टिककै माला धेरै सस्तो सजिलो छ काम चलाउँनु ।
🌑परिक्रमा श्रेष्ठ
धरान- १५
[८४]
मखमली र सयपत्रीसरि दिदीभाइको मायाको सुवास,
मधुर सुगन्धले मिल्छ गाउँ परिवेशको आनन्द आभास ।
🌑असिराम डंगौरा
जोशीपुर कैलाली
[८५]
प्लास्टिकको नओइलने माला त केवल कामचलाउ मानिन्छ,
सयपत्री र मखमली मालामा दाजुबैनीको सम्बन्ध बाँधिन्छ ।
🌑नेहा खनाल
सैनामैना ११ रुपन्देही (सालझण्डी)
[८६]
झुठो होइन साँचो हो आस्तिक,
पक्कै पुग्छ देउँसीको आसिक ।
🌑विष्णु रिजाल
[८७]
प्लास्टिकका माला लगाऊँ, केक पिज्जा खाऊँ,
सेलरोटी र फिनी खान किन जाने गाउँ ?
🌑मित्र `उराठी´ गाैतम
अमरपुर,गुल्मी हाल ति न पा-२ ,रुपन्देही
[८८]
मखमली र सयपत्रीको भन्दा सस्तो प्लास्टिक माला,
सस्तो भनेर लगायौभने हाम्रो संस्कृति कता जाला ।
🌑करन बहादुर शाह
हात्तिगौडा, काठमाण्डौँ
[८९]
तिहारको जस्तो आभास हुदैँन नक्कली मालामा,
मखमली सयपत्री लगाऔँ तेल बाली पालामा ।
🌑सरु खत्री
पोखरा-कास्की
[९०]
गमलामै भएपनि रोप्नुस् चट्ट फूल,
बजारको माला किन्ने नगर्नुस् है भुल ।
🌑सरिता सेढाई
धादिंग
[९१]
संस्कृति जोगाउनलाई फूलको माला चाहियो,
प्लास्टिक माला हटाउँदा खुसी हामीले पाइयो ।
🌑ज्ञानु भाट क्षेत्री
[९२]
गाउँघर छोडेर सहर बसेँ करेसाबारीमा फूल कहाँ पाउँनु,
बाध्यताले अहिले सक्कली छोडेर नक्कली माला परेको छ लाउनु ।
🌑सुरेखा चाम्लिंग राई
–भक्तपुर
[९३]
छलकपट र झेलीको यो दुनियाँमा सबै नक्कली भए,
नेताले समेत नक्कली विकासको नारा लगाएर गए ।
🌑राजेशराज गड्तौला
रतुवामाई- १०, मोरङ
[९४]
अनावश्यक झल्लर ती घरभरी टाँस्ने,
कृत्रिमताकाे खाेल ओँढी संस्कृति माँस्ने ।
🌑मीरा ज्ञवाली
बुटवल
[९५]
नक्कली सामान किन चाहियो हाम्रै माया गहिरो,
दिदीभाइ भएर छेकौँला जान लागेको पहिरो ।
🌑जमुना आचार्य
सिन्धुपाल्चोक
[९६]
सकल नेता भए भ्रष्ट,
भोट दिने नगरौँ कष्ट ।
🌑नवराज उप्रेती
[९७]
अरूको धेरै के कुरा गराैँ मान्छे नै नक्कली भए,
संस्कृति, रीतिरिवाज, चाडपर्व बदलिँदै गए ।
🌑सहयात्री शाेभा अर्याल
रुपन्देही १४ बुटवल
[९८]
किन चाहिँयो अब प्लास्टिकका नओइलने फूल,
खेतबारी बाँझो राखेको परिणाम हो यो नभूल !
🌑गोपीगोविन्द कृष्ण कँडेल
विराटनगर १५
[९९]
ए टु जेड नक्कली छ फूलमात्र हैन,
दियो बाल्ने तेल पनि खासै शुद्ध छैन ।
🌑ईशहाक हुसैन
जीतपुर सिमरा १४ बारा
[१००]
ओइली झर्छ सयपत्री र मखमली फूल,
विदेशी संस्कारमा रमाउने नगर्नू भुल ।
🌑बुद्धिमान दनुवार
सुरुङ्गा ४ झापा
[१०१]
वर्षदिनको झिलिमिली तिहार हाँसीखुसी मनाऔँ है जुटेर,
जोगाऔँ हाम्रो मौलिक संस्कृति पर्व आ-आफ्नो ठाउँबाट उठेर ।
🌑रमेश पौडेल
[१०२]
झल्को आउँछ भाइ तिहारमा घर आएको,
सयपत्री उनेर सप्तरङ्गी टीका लाएको ।
🌑कुसुम
पोखरा
[१०३]
चलन गयो जिन्दगीबाट सरक्क सरेर,
फूलका माला सियोले उन्ने त गयो टरेर ।
🌑अच्युत घिमिरे
भुटान बाट 🇧🇹
[१०४]
मखमलीको माला छोडी प्लाष्टिकमा लायौ,
बिना लाज संस्कृति यो पर पर धपायौ ।
🌑गुणनिधि घिमिरे
अमेरिका
[१०५]
तिमी पनि रोयौ होला दिदी म पनि यता रोएँ,
वर्षदिनको तिहार सम्झी परेली डिल धोएँ ।
🌑पवन अधिकारी(~Pawan)
इटहरी – ११ , खनार – ७ सुनसरी(सिमरबोना)
[१०६]
घामपानीले प्लास्टिक फूल रङ्गहिन हुन्छ,
मखमली बाहेक् अरू नओइलिने कुन छ ?
🌑बाबुराम गौतम
गुल्मी
[१०७]
जताततै छ्यापछ्याप्ती नओइलाउने प्लाष्टिक फूलका माला,
नेताजीकाे घाँटीलाई आराम छ छुटे माला सयपत्रीवाला ।
🌑टीकाराम जाेशी
टीकापुर
[१०८]
ताराहरूको मण्डल निधारमा सजाउँनु,
सयपत्री फूलको माला उनेर लगाउँनु ।
🌑जि कुमार गौतम
भद्रपुर -१ झापा
[१०९]
छ्यापछ्याप्ती बजारभरि प्लास्टिकका माला,
फूलको त पाउनै छोड्यो अल्छे तिघ्रा साला ।
🌑वसन्त अनुभव
घोराही, दाङ
[११०]
आजभोलि देखावटी भए हाम्रा चाडपर्व,
रौनक छैन तिहारको कतै के गर्नु गर्व ।
🌑नवशिला
बेलबारी-२,लालभित्ती,मोरङ।
[१११]
अल्छेले सयपत्री नरोपी खोज्छ चाडमा माला,
चाइनाले पठाइदियो दुरुस्तै नक्कली साला ।
🌑कमल पोख्रेल
