–वसन्त अनुभव-
मुगु, १२ बैशाख २०७७
छायाँनाथ रारा नगरपालिकाले सोही नगरपालिकाको वडा नम्बर १४ बाम गाँउ निवासी अग्निपिडित धनमानसिंह बुढालाई नगद रु २५००० सहित आवश्यक खाद्यान्न, लत्ताकपडा लगायत खाना बनाउने भाडाकुडाहरु सहयोग गरेको छ ।
छाँयानाथ रारा नगरपालिकाका मेयर हरिजंग शाहीले आफुले गरेको प्रतिबद्धता अनुरुप निज बुढा परिवारलाई एक कार्यक्रमको आयोजना गरि उक्त सहयोग रकम र सामग्री प्रदान गर्नुभएको हो ।
मिति २०७७ साल बैशाख ९ गतेका दिन भएको आगलागीबाट निज धनमानसिंह बुढाको खाद्यान्न, लत्ताकपडा सहित घर पुर्ण रुपमा जलेर नष्ट भएको थियो । आगलागीबाट निज बुढाको घर पुर्ण रुपमा जलेर नष्ट भएपनी कुनै मानवीय क्षति भने भएको थिएन ।