दाङ, ११ बैशाख २०७७
दाङ जिल्लाको घोराही उपमहानगरपालिकामा केन्द्रिय कार्यालय रहेको उज्यालो विहानी फाउन्डेसनले अनलाइन खरिदबिक्री सेवा Buysewa को समन्वयमा अब घरघरमा किसानकै लागत मुल्यमा तरकारीहरु होम डेलिभरी दिने भएको छ ।
हाललाई घोराही बजार क्षेत्र आसपासमा मात्र सेवा प्रदान गर्ने सोच बनाएको र बिस्तारै सेवाको क्षेत्र विस्तार गरिने Buysewa का अध्यक्ष चार्टर्ड एकाउन्टेन्ट सुदन बिसीले बताउनु भयो ।
बजारमा पाइने तरकारीजन्य बस्तुहरु अत्यधिक महंगो र गुणस्तरहिन वा कम गुणस्तरको भएको भन्ने ब्यापक जनगुनासोलाई मध्यनजर राखी हाललाई बाध्यात्मक रुपमा Buysewa को समन्वयमा होम डेलिभरी सेवा सुरु गर्नु परेको उज्यालो विहानी फाउन्डेसनको अध्यक्ष डा. गिर रोदन महराले जानकारी दिनुभयो ।
हाललाई यो सेवा लकडाउन अवधिभर कायम रहने बताउदै तरकारी उत्पादक किसानहरुले आफ्ना उत्पादित तरकारीहरु बिक्रीका लागि र उपभोक्ताहरुले खरिदका लागि Buysewa एप मार्फत वा उज्यालो विहानी फाउन्डेसनको मोबाइलमा सम्पर्क राख्न अनुरोध गर्नुभयो ।
फाउन्डेसनको लागतमा गाडी रिजर्भ गरि तरकारी उत्पादक किसानको बिक्री मुल्यमै तरकारीहरु स्वयंसेवकहरुले घरघरै होम डेलिभरी दिने फाउन्डेसनका सचीव तुला बिकले बताउनु भयो।
तरकारी किन्न चाहने उपभोक्ताहरुले उज्यालो फाउन्डेसनका मेम्बरहरुको मोबाइलमा सम्पर्क गरेर, बाइसेवाको अनलाइन फर्म भरेर आफ्नो अर्डर गर्न सकिने बाइसेवाका अध्यक्ष बिसीले बताउनु भयो ।
विगत लामो समय देखि समाज सेवामा समर्पित उज्यालो विहानी फाउन्डेसन कोरोना भाइरस संक्रमणका कारण गरिएको लकडाउनका अवधिमा निकै सक्रिय भएर अगाडि बढिरहेको छ ।
फाउन्डेसनका युवाहरुको निस्वार्थ सेवा प्रतिको समर्पण, जोश, जागर अनि उर्जा साच्चिकै तारिफयोग्य छ । ती युवाहरू घाम, पानी, भोक, तिर्खा, दिन, रात, निद्रा केही नभनी मेशिनझै खटेको देख्दा लाग्छ संसारमा दया,माया र मानवीयता मरेकै छैन ।
लकडाउनका अवधिमा बाहिर हिड्नु हुँदैन भन्ने सचेत हुदाहुदै पनि जब पीडितहरुको फोन आउँछ, खबर आउँछ उनिहरु प्रहरीसँग लुक्दै सरोकारवाला निकायसँग समन्वय गरि राहत लिएर दौडिन्छन ।
फाउन्डेसनका युवाहरू कहिले घरधनिद्वारा निकालिएकि चेलीको उद्वार गर्न पुग्छ्न त कहिले रगत नपाई तड्पिएको बिरामीलाई रक्तदान गर्न जुट्छन । कहिले अलपत्र यात्रुको उद्वार गरि गन्तब्यमा पुर्याउने प्रयास गर्छन त कहिले छाक बसेका गरिब, मजदुर, विपन्न, पीडितहरुको घरदैलोमा चामल, दाल, नुन, मसलाको थैलो आफै बोकेर पुग्छन ।
त्यस्तै पैसाको जोहो गरेर कहिले स्वास्थ्यकर्मी र सुरक्षाकर्मीका लागि मास्क, पिपिईको ब्यवस्थापन गर्छन त कहिले आफै खाना बनाई बोकेर भोकाएर तड्पिएका यात्रुहरु भएकै स्थानमा पुगि भरपेट खाना खुवाउछ्न ।
राहत सामग्री खरिदका लागि फाउन्डेसन मेम्बरहरुले नगद रकम मात्र उठाएनन । त्यतिले नपुगे पछि आफ्नो घडी, मोवाइल, बाइक सम्म पनि बेचेर निरन्तरता दिने बताउछन् ।
अर्डर गर्ने लिन्क: अर्डर गर्नका लागि तल Buysewa लेखेको लिंकमा दबाउनु होस् ।
Buysewa
सम्पर्क मोबाइल नम्बर
जेपी केसी : ९८२२९७२७४०
तुला बि के : ९८०६२४३६०३
मनोज श्रेष्ठ : ९८६६२४२९२४