बसन्त अनुभव
कमिरेचौर १० बैशाख २०७७
दाङ जिल्लाको बंगलाचुली गाउँपालिकाले एक जना ब्यक्तिलाई बुधबार घोराही रेफर गरिएको छ ।
बंगलाचुली- ३ तापा घर भएका एक २५ वर्षीय युवालाई कोरोना संक्रमणको आशंकामा घोराहीस्थित राप्ती स्वास्थ्य विज्ञान प्रतिष्ठानमा आइसोलेसन राख्नका लागी रेफर गरिएको बंगलाचुली गाँउपालिका, स्वास्थ्य शाखा प्रमुख भक्त बहादुर वलीले जानकारी दिनुभयो । निजलाई हिजोमात्र बंगलाचुली गा.पा. वडा नं. ४ झुलिडाँडामा रहेको क्वारेन्टाइन स्थलमा राखिएको थियो ।
त्यसैगरी बंगकाचुली गा.पा. स्थित झुलिडाँडा क्वारेन्टाईन स्थलमा बुधबार एकजना व्यक्ति थप भएका छन् । बंगलाचुली गाउँपालिका वडा नं. ६ रिभान घर भई हालै चितवन नारायणघाटबाट आउनु भएका एक ४५ वर्षिय पुरुषलाई क्वारेन्टाईनमा राखिएको हो ।
योसंगै झुलिडाँडा क्वारेन्टाईन स्थलमा रहेका ब्यक्तिहरुको संख्या ७ जना पुगेको छ । भने एक जनालाई रेफर गरिएको छ । यस अघि गाउँपालिकाले क्वारेन्टाईन बसेका ७ जना ब्यक्तिहरुलाई घर पठाई सकेको जानकारी स्वास्थ्य शाखा प्रमुख जिसीले दिनुभयो ।
गाँउपालिकाले हालसालै संक्रमित क्षेत्र, भारत तथा अन्य देशबाट आएका ब्यक्तिहरुलाई अनिवार्य क्वारेन्टाइनमा राख्ने व्यवस्था गरेको छ । निजलाई क्वारेन्टाइन अवधिभर कोरोना सम्बद्व कुनै लक्षण नदेखिए आवश्यक सल्लाह, सुझाव र परामर्श सहित घर पठाउने तर कोरोना संबद्ध लक्षण देखिए वा आशंका लागेमा रेफर गर्ने गरेको छ ।