काठमाडौँ । राजधानीको तीनकुनेमा प्रदर्शन उग्र बन्दै गएपछि प्रहरीले स्थितिलाई नियन्त्रणमा लिन गोली चलाएको छ । प्रहरीले स्थितिलाई नियन्त्रणमा लिन केही राउण्ड रबरको गोलीका साथै ४ राउण्ड रियल गोली समेत प्रयोग गरेको सुरक्षा स्रोतले जनाएको छ ।
अहिले राजावादीको प्रदर्शनका क्रममा बानेश्वर तनावग्रस्त रहेको छ। राजावादी समूहले वर्तमान व्यवस्थाको विरोधमा शुक्रबार राजधानीमा प्रदर्शन गरेको हो ।
सो क्रममा स्थिती अराजक बनेको छ।
राजावादी प्रदर्शनकारीले प्रहरी सुरक्षाकर्मीमाथि आक्रमण गर्दा केही प्रहरी घाइते भएका छन् । प्रदर्शनकारीले सर्वसाधारणका घरमा तोडफोड र आगजनी गर्नुका साथै अन्नपूर्ण पोष्ट दैनिक पत्रिकाको कार्यालयमा पनि ढुंगा हानेका छन् ।