वीरगंज,फागुन २८
नेकपा एमालेका अध्यक्ष एवं पुर्व प्रधानमन्त्री केपी शर्मा ओलीले एमाले पार्टी मुद्दा उठाएर मुद्रा कमाउने पार्टी नभएको बताएका छन। आज वीरगंज २३ प्रसौनी बिर्तामा आयोजित पार्टी प्रवेश कार्यक्रमलाई सम्बोधन गर्दै अध्यक्ष ओलीले एमाले पार्टी देश बनाउने र जनताको दुखकष्ट समाधान गर्ने पार्टी भएको बताए । ओलीले मधेशबाट गरिबी हटाए मात्र देशबाट गरिबीको समस्या समाधान हुने तर्क गरे । ओलीले आफनो नेतृत्वको साढे तिनबर्षे कार्यकालमा हुलाकी राजमार्ग निर्माण, शहरी बिकाश ,स्मार्ट सिटीको अवधारण,कृषि सिंचाई लगायतको क्षेत्रमा काम गरिएको बताए । नागरिकता समस्या समाधानको लागि कानुन बनाए पनि गठबन्धन सरकाले त्यसलाई रोकेको बताए । उनले भेदभाव बिना सवै नागरिकलाई शिक्षा ,स्वास्थ्यको सुबिधा दिनुपर्ने धारणा राखे । ओलीले अहिले देशभरि नै एमाले प्रवेशको लहर चलिरहेको बताए । उनले एमालेमा प्रवेश गर्ने सवैलाई उचित स्थान र जिम्मेवारी दिईने बताए । तत्कालिन जसपाबाट निर्वाचित वीरगंज महानगरका मेयर बिजय सरावगीको नेतृत्वमा १२ जना वडा अध्यक्ष सहित दर्जनौ नेता कार्यकर्ताहरु एमाले प्रवेश गरेका छन । पार्टी प्रवेश कार्यक्रममा पुर्वमन्त्री रघुबिर महासेठ,प्रभु साह, केन्द्रिय सदस्य तथा पर्सा ईन्र्चाज प्रभु हजार,संबिधान सभा सदस्य तथा पार्टीका केन्द्रिय सदस्य राजकुमार गुप्ता, निर्मला देवकोटा,अरबिन्द सिंह, बिचारी यादव, जयप्रकाश थारु लगायतको उपस्थिती रहेको थियो ।