२९-कात्तिक/ प्युठानमा जीप दुर्घटना हुंदा एक जनाको घटनास्थलमै मृत्यु भएको छ । आज सोमबार बिहान मल्लरानी गाउँपालिका–३ बुकेनीमा जीप दुर्घटना हुँदा २९ वर्षिय चालक गोरख पुनको घटनास्थलमै मृत्यु भएको प्युठान प्रहरीले बताएको छ ।
बुकेनीबाट खलङ्गाका लागि छुटेको रा १ ज १९९२ नम्बरको गाडीमा दुई जना रहेकामा सहचालक भने घाइते भएका छन् । सहकचालक प्युठान नगरपालिका ४ निवासी १६ वर्षीय विवेक नेपाली रहेका छन् । घाइते नेपालीको प्युठान अस्पताल बिजुवाइमा उपचार भैरहेको प्रहरीले जनाएको छ ।