साउदी अरब ! कोरोना महामारीका कारण नेपाल छुट्टीमा गएका नेपालीहरुले श्रम स्वीकृति लिँदा भोग्नु परेको सास्ती र बेहोर्नु परेको पीडा अनि सरकारले गरेको लुट सम्बन्धमा साउदी अरब बाट अन्तर्राष्ट्रिय मुस्लिम समाज साउदीका अध्यक्ष मोहम्मद जैनुल अब्दिन ले आफ्नो धारणा व्यक्त गरेका छन्।
उहाँको भनाइ जस्ताको त्यस्तै “एक त हाम्रो देशको दयनिय स्थिति छ, रोजगारीको त कुरै छोडी दिनुस् । त्यसमाथि श्रम स्वकृतीको नाममा हुने गरेको चलखेल र ब्रहम लुटले जो बर्षौदेखी वैदेशीक रोजगारमा लागेको छ उसलाई पनि रोजगार माथी अझै बढी खतरा गराइरहेको महसुस भएको छ ।
सन्दर्भ घर बिदामा नेपाल गएका वैदेशिक रोजगारमा आफ्नो श्रम बेचेर देशलाई रिमिट्यान्सले भरिपुर्ण गराएका श्रमिकहरुले फेरी पुन: श्रम स्वीकृति गराउन जाँदा दुनीयाँ भरको अनावश्यक कागजातहरुको मांग गर्नु रहेको छ ।
या त श्रम विभागले खुरुक्क श्रम स्वकृति गर्नुपर्छ या हामीले विदेशमा पाइरहेको तलब बराबर सोही काम र तलब स्वदेशमै दिलाउनु पर्छ । एक त श्रम विभागलाई हामीले पालीरहेका छौ तर त्यसको सट्टामा हामिले के पाइरहेका छौ? दुख अनि पिडा मात्रै अनि आफ्नै रोजगारमा फर्किन नसक्ने पिर र मर्का ।
सुरु सुरुमा पुराना कामदारलाई घर विदामा आउदा श्रम स्वीकृतिको झन्झट थिएन र फर्किन पनि सजीलो थियो । अब त घर विदामा जादा फर्किन नसक्ने पिरले अधिकांस श्रमिकहरुलाइ सताइ रहेको हुन्छ ।
श्रम स्वीकृति खास गरेर नयाँं कामदारको लागी हुनु पर्ने हो तर पुरानाका लागी होइन ।
होईन, यो श्रम विभागको काम के रहेछ? रोजगार दिलाउनु या रोजगार खोस्नु ?
यती धेरै संघ संस्थाहरु छन् जो आफुलाई वैदेशीक कामदारको हितैसी ठान्छन् किन यो गम्भीर समस्याको समाधान गर्न चाहदैन र किन सरकारमाथी दवाब बनाउन सकिरहेका छैनन् ?”