कपिलवस्तु ,माघ २२
जेएनजी आन्दोलनले अघि सारेका युवा स्वरोजगार, संघीय व्यवस्थाअनुसार अधिकारको विकेन्द्रिकरण तथा नागरिकमैत्री सेवा प्रवाहसम्बन्धी मागहरू २०७५ जेठ २० गते प्रतिनिधिसभाको बैठकमा उठाइएको थियो । सो अवसरमा तत्कालीन प्रतिनिधिसभा सदस्य अतहर कमालले ती विषय सदनको ध्यानाकर्षण गराउनुभएको थियो । उक्त बैठकमा अतहर कमालले संघीय शासन प्रणालीको मूल उद्देश्य अधिकार र सेवा जनतासम्म पु¥याउनु रहेको उल्लेख गर्दै केन्द्रमा सीमित अधिकारलाई प्रदेश र स्थानीय तहमा हस्तान्तरण नगरेसम्म संघीयताको मर्म पूरा नहुने धारणा राख्नुभएको संसदीय अभिलेखमा उल्लेख छ । उहाँले त्यसक्रममा युवामा बढ्दो बेरोजगारीप्रति चिन्ता व्यक्त गर्दै स्वरोजगार प्रवर्द्धनका लागि राज्यले दीर्घकालीन नीति अवलम्बन गर्नुपर्ने आवश्यकता औंल्याउनुभएको थियो ।त्यसैगरी, उहाँले सार्वजनिक सेवा प्रवाहको अवस्थाप्रति टिप्पणी गर्दै नागरिकले भोग्दै आएका प्रशासनिक झन्झट, ढिलासुस्ती र जटिल प्रक्रियाले सेवाग्राहीलाई असहज बनाएको उल्लेख गर्नुभएको थियो । सेवा प्रवाहलाई सरल, छरितो र नागरिकमैत्री बनाउन प्रशासनिक सुधार अपरिहार्य रहेको उहाँको भनाइ थियो ।
नागरिकका सरोकारसँग सम्बन्धित विषयहरू संसदमा निरन्तर उठाउँदै आएका अतहर कमाल हाल कपिलवस्तु निर्वाचन क्षेत्र नम्बर १ बाट नेपाली काँग्रेसका उम्मेदवारका रूपमा आगामी प्रतिनिधिसभा निर्वाचनमा सहभागीको हुन् ।
