प्रादेशिक आयुर्वेद चिकित्सालय बिजौरी दाङमा आज एक कार्यक्रमको आयोजना गरी स्वागत तथा विदाइ (फेरि भेटौला) कार्यक्रम गरियो ।
जिल्ला आयुर्वेद स्वास्थ्य केन्द्र कपिलवस्तुबाट यस चिकित्सालयमा सरुवा भई आउनुभएका कविराज निरीक्षक वसन्त रावतलाई स्वागत तथा लामो समय यस चिकित्सालयको पञ्चकर्म विभागमा काम गरी हाल कोशी प्रदेश, भोजपुरमा नयाँ नियुक्ति भई जानलाग्नुभएका कविराज राजन चौधरीको विदाइ, अस्पताल विकास समितिका अध्यक्ष हिम बहादुर डाँगी र चिकित्सालयका निर्देशक डा. प्रवेश श्रीवास्तवले संयुक्त रूपमा टीका, माला तथा दोसल्ला ओढाएर गर्नुभएको थियोे । साथै उक्त अवसरमा राजन चौधरीलाई प्रशंसा पत्रका साथै मायाको चिनो प्रदान गरिएको थियोे ।
अस्पताल विकास समितिका अध्यक्ष हिम बहादुर डाँगीको अध्यक्षतामा भएको कार्यक्रममा चिकित्सालयका निमित्त निर्देशक डा. प्रवेश श्रीवास्तव स्वागत तथा विदाइ मन्तव्य दिनुभएको थियोे । विदाइ हुँदै गर्नुभएका राजन चौधरीले पनि चिकित्सालयमा काम गर्दै गर्दा आफूले अनुभूत गरेको राख्नुभएको थियोे ।
कार्यक्रमको सञ्चालन चिकित्सालयका वरिष्ठ अधिकृत एवम् सूचना अधिकारी बसन्त बहादुर के.सी.ले गर्नुभएको थियो ।