रोशन थिङ, नुवाकोट।
नुवाकोटको बेलकोटगढी नगरपालिकामा आजदेखि दोस्रो राष्ट्रपति रनिङ शिल्ड प्रतियोगिता सुरु भएको छ। बेलकोटगढी नगरपालिका शिक्षा शाखाको आयोजनामा सुरु भएको प्रतियोगितामा नगरपालिकाभित्रका सम्पूर्ण माध्यमिक विद्यालयहरूको सहभागिता रहेको छ।
कार्यक्रम बेलकोटगढी नगरपालिका–७, रातमाटेमा भइरहेको छ। प्रतियोगिताको उद्घाटन नगर प्रमुख जगत बहादुर गुरुङ र नगर उपप्रमुख शिवप्रसाद दाहालले संयुक्त रूपमा गर्नुभएको हो।
उद्घाटन समारोहमा नगर प्रमुखको प्रमुख आतिथ्यतामा नगर उपप्रमुख, वडा अध्यक्षहरू, कार्यपालिका सदस्यहरू, शिक्षक, विद्यार्थी खेलाडी तथा सरोकारवालाहरूको उपस्थिति रहेको थियो।
राष्ट्रपति रनिङ शिल्ड प्रतियोगिता सोमबारसम्म सञ्चालन हुने आयोजकले जनाएको छ।