दाङ जिल्लाको घोराही पर्सा स्थित बाल शान्ति गृहमा शनिबार सत्संग भेला सम्पन्न भएको छ । विश्व ओमकार एकता महाभियानका प्रमुख संयोजक डा.चिन्तामणिनाथ योगीको संयोजकत्वमा सम्पन्न उक्त सत्संग भेलामा विभिन्न धार्मिक, सामाजिक, शैक्षिक क्षेत्रका विशिष्ट व्यक्तित्वहरूबाट गहन छलफल र चिन्तन गरिएको थियो ।
बाल शान्ति गृहका प्रमुख डा भाेलानाथ याेगीको
स्वागत मन्तव्य र कार्यक्रमको जानकारी पश्चात् शुरु भएको सत्संग भेलाले मठ, मन्दिर, गुम्बा लगायतका सम्पदामा भएका गतिविधिहरूलाई उजागर गर्दै लगेर जनचासाेकाे रुपमा लिन आवश्यक रहेकाे निचोड निकालेको छ ।
हिन्दू सनातन धर्ममा सबै क्षेत्रबाट प्रहार भैरहेकाे परिप्रेक्षमा अब सबै मठ, मन्दिर, गुम्बा जाे जसकाे जहाँ जे छ सबैकाे महत्वलाई बुझेर अगाडि बढ्नुपर्ने भेलाका सहभागीको अभिमत रहेकोे थियो।
कार्यक्रममा डा. चिन्तामणिनाथ याेगीले मठ मन्दिर गुरुकुल, वृद्ध आश्रम, बालगृह, अनाथालय लगायत धार्मिक तथा सेवामूलक संस्थालाई एनजीओ (NGO) काे रुपमा दर्ता नगरी धार्मिक संस्थाको रुपमा जिल्ला प्रशासन कार्यालयमा दर्ता गरेर जानू पर्ने धारणा राख्नुका साथै बैंकिङ प्रणालीमा अक्षयकोष खाताको ब्यवस्था हुनुपर्ने विचार राख्नुभयो ।
साथै उहाँले आफ्ना अधिकार प्राप्तिका लागि धार्मिक महासंघकाे स्थापना गरिने जसको लागि विश्व ओमकार एकता महाभियान, विश्व हिन्दु महासंघ नेपाल र गुप्तेश्वर मन्दिरकाे आयाेजनामा गण्डकी प्रदेशस्तरीय धार्मिक मठमन्दिर एवं संघ संस्थाहरूको सम्मेलन मिति २०७८ फागुन २७-२८ गते सम्म पोखरामा गर्न लागिएको पनि जानकारी दिनुभयो।
कार्यक्रममा सिद्ध रत्ननाथ मठ ,पाण्डवेश्वर मन्दिर, अम्बिकेश्वरी मन्दिर, गाेरखनाथ वैदिक गुरुकुल, बाल गृह पर्सा, वृद्धाश्रम तेराैटे, पतञ्जली योग परिवार लगायतका संस्थाबाट सहभागिता रहेकाे थियाे ।
भेलामा बाल गृहका बालबालिकाहरूले भजन, प्रार्थना एवं राष्ट्रिय गीत गाएका थिए । साथै भेलाले आगामी सत्संग यात्रा पाण्डवेश्वर धाम धारापानीमा गर्नुका साथै अम्विकेश्वरी मन्दिर अम्वापुर, बराहक्षेत्र मन्दिर बाह्रकुने र सिद्ध रत्ननाथ मठ चौघेरामा समेत क्रमशः गर्ने निर्णय गरेको जानकारी गोरखनाथ वैदिक गुरुकुलका प्रतिनिधि प्रकाश भट्टराईले दिनुभयो।
