तुलसीपुर,
२४-मंसिर/ दाङमा जीपले र मोटरसाईकललाई ठक्कर दिंदा मोटरसाईकल चालकको मृत्यु भएको छ । बिहीबार बेलुका ७ : ४५ मा तुलसीपुरबाट घोराही तर्फ जाँदै गरेको रा १ च ३८५ नं. को जीपले घोराहीदेखि तुलसीपुर तर्फ आउँदै गरेको रा ४ प ४०२ नं. को मोटरसाइकललाई घोराहीको क्रिजल पेट्रोल पम्प नजिकै ठक्कर दिएको थियो ।
जीपको ठक्करबाट गम्भीर घाईते भएका मोटरसाईकल चालक घोराही उपमहानगरपालिका वडा नं. १६ सर्रा निवासी ४३ वर्षीय युवराज चन्दको राप्ती स्वास्थ्य विज्ञान प्रतिष्ठानमा उपचारको क्रममा बिहीबार बेलुका ८ बजे मृत्यु भएको जिल्ला प्रहरी कार्यालय दाङले जनाएको छ । ठक्कर दिने जीप र चालक प्रहरीको नियन्त्रणमा रहेको प्रहरीले बताएको छ ।