समर्पण रम्जान
प्रेसमिट सहित
२२ फेब्रुअरी २०२१, साउदी अरब ! कोभिड १९ को अबस्थामा गैरआवासीय नेपाली संघ (एनआरएनए) ले अन्तर्राष्ट्रिय श्रम संगठन (ILO) द्वारा सपोर्ट गरिएको सामाजिक प्रोजेक्टमा साउदी अरबमा पनि अनियमितता भएको भनेर २० फेब्रुअरीका दिन हलियुडखबरले छपाएसँगै एनआरएनए साउदीले यस समाचारलाई खन्डन गर्दै २१ फेब्रुअरीका दिन प्रेसमिट बक्तब्य निकाल्दै भर्चुअल प्रेसमिट कार्यक्रम गरेको छ ।
उक्त कार्यक्रममा एनआरएनए आइसिसी मध्यपुर्वका उपसंयोजक, आइसिसी सदस्यहरु तथा एनसिसि पदाधिकारीहरु, ILO पोजेक्टको अनुगमन टोलि र विभिन्न मिडियाकर्मिहरु, प्रबास खबर का प्रतिनिधि, हिमलायन दृस्टीका प्रतिनिधि, अन्नपूर्ण पोस्टका प्रतिनिधि, सैलुङ अनलाइनका प्रतिनिधि, पिटि अनलाइनका प्रतिनिधि, र एनए मिडियाका प्रतिनिधि हरुको उपस्थित रहेको थियो ।
संस्थाका अध्यक्ष तेज थापाको अध्यक्षतामा महासचिव उमेश भट्टराईद्वारा संचालित प्रेस मिट कार्यक्रममा संस्थाका कोषाध्यक्ष सन्तोष लुइँटेलद्वारा सम्पुर्ण कोष विवरण पारदर्शी रुपमा सेयर गराउदैै एनआरएनए साउदि १००% सत्य रहेको र तथ्य र प्रमाण बिनाको समाचार फैलाउने हलियुडखबर लाई च्यालेन्ज गर्दै कुनै पनि आर्थिक हिनामिनाको प्रमाण देखाउन पनि चुनौती दिएका थिए ।
यसै गरि कार्यक्रममा उपस्थित आइसिसी सदस्य नरायाण पास्वान, आइसिसी मध्यपुर्व उप संयोजक राजेन्द्र अर्याल, एनसिसि संरक्षक राजु सैयद, एन सिसि उपाध्यक्षहरु बिशाल श्रेष्ठ, रोशन श्रेष्ठ, सचिब लाल बहादुर मगर, सह कोषाध्यक्ष योगेन्द्र श्रेष्ठ, प्रोजेक्ट अनुगमन सदस्य दिपक रेग्मी लगायत सम्पुर्ण उपस्थित महानुभाब तथा मिडिया कर्मिहरुले बोल्दै मध्य पुर्व साउदीमा निस्वार्थ भावनाले सामाजिक कार्यहरू गर्दै जाँदा, अधिकांश पीडित श्रमिकहरुलाइ सहरा बनेर धेरै समस्यामा मल्हम लगाउदै समाधानमा सहयोग गर्दै आइरहेको श्रमिकको एक मात्रै सामाजिक संस्था, साउदी अरबको एनआरएन लाई लगाइएको मिथ्या आरोप प्रती घोर निन्दा गर्दै त्यस्ता पत्रकारलाई प्रमाण सहित टेबल टक गर्न अब्हान गर्नु भएको छ । देशको तेस्रो अंग पत्रकार भएर बिना प्रमाण सुनेको भरमा समाचार छापेकोमा आपत्ति जनाउँदै प्रमाण जुटाएर आउन र यदि प्रमाण नभए भ्रमात्मक समाचार फैलाउनेलाइ कार्वाही गर्ने चेतावनी दिनु भएको छ ।
कार्यक्रममा संस्थाका प्रबक्ता बिष्णु न्यौपानेले प्रेसमिट पडेर सबैमाझ सुनाएका थिए भने यस्ता भ्रमात्मक खबरलाइ चिर्न सदैब तत्पर रहेको बताएका थिए।
अन्त्यमा अध्यक्ष तेज बहादुर थापाले कार्यक्रम समापन गर्ने क्रममा यसरी बिना प्रमाण युरोप अमेरिकाको कुनै कुनामा बसेर भ्रमात्मक र मिथ्या खबर एक सिङ्गो संस्थालाई असर पुग्ने खालका समाचार छपाउनेलाइ स प्रमाण सहित आउन पनि अनुरोध गर्दै हिनामिना भएको प्रमाण भए जस्तोसुकै अबस्थामा आफुहरुले सजाय भोग्ने र प्रमाण नभए संस्थालाई आँच पुर्याउने समाचार छाप्नेलाइ सामाजिक रुपमा क्षमा माग्नु पर्ने नमागे कार्वाहीको दायरामा लेराउने कुरा अबगत गराउनु भएको छ ।
कार्यक्रममा अध्यक्ष थापाले उपस्थित मिडियाकर्मिहरुलाइ सत्य तथ्य समाचार छपाउन र गलत समाचारलाई चिर्नको लागि पनि सहयोग गर्न अनुरोध गरेका छन् । अन्त्यमा हिड्दा पनि ठेस लाग्छ भने निस्वार्थ भावानाले सामाजिक कामहरु गर्दा यस्ता बाधा अड्चनहरु आइपर्ने र यस्ता मिथ्या समाचारहरु बाट सचेत रहि बिचल्लीत नहुन र सदैब अडिग रहन आफ्नो एनआरएनए साउदी टिमलाइ आग्रह गरेका छन ।