तुलसिपुर १८ भाद्र
दाङमा जुवाको खालबाट तेह्र जनालाई प्रहरीले पक्राउ गरेको छ । गोप्य सुचनाको आधारमा तुलसीपुर वडा नम्बर १४ पननपुर स्थित सोहि ठाउँ निवासी निम बहादुर केसीको घरमा जुवा खेलिरहेका अवस्थामा नगद ६३ हजार आठ सय चालिस र तास बरामद गरेकाे जिल्ला प्रहरी कार्यालय दाङले जनाएको छ ।
पक्राउ पर्नेहरूमा तुलसीपुर १४ बस्ने वर्ष ३५ को मधुकर बस्नेत, सोहि ठाउँ निवासी ३७ वर्षिय माधव विक, ३० वर्षिय दिपक वादी, ३८ वर्षिय राजाराम विक, ३० वर्षिय निर्मल केसी, ३१ वर्षिय चुडामणी खत्री, ३३ वर्षिय भागवत डाँगी, ४८ वर्षिय बाबुराम नेपाली, ६५ वर्षिय निमबहादुर केसी, १६ वर्षिय विकेश परियार, २२ वर्षिय दिपक डाँगी, वडा नम्बर १५ निवासी ३५ वर्षिय प्रधुन धिताल र घोराही ९ बस्ने वर्ष २९ को बसन्त बुढाथोकी रहेका छन् । पक्राउ परेका सबैकाे थप अनुसन्धान सुरु गरिएको प्रहरी नायव उपरीक्षक सुमित खड्काले जानकारी दिनुभयाे ।