दाङ, २३ भाद्र
कपिलवस्तुमा एक पत्रकारको मृत्यु पश्चात् कोरोना संक्रमण पुष्टि भएको छ । तौलिहवाका ती ६२ वर्षीय पत्रकारको हिजो सोमबार मृत्यु भएको हो ।
कोरोना संक्रमणका कारण मृत्यु हुने पत्रकारमा उनी पहिलो हुन पुगेका छन । मृतक पत्रकार नेपाल पत्रकार महासंघका केन्द्रीय पार्षद रहेको बुझिएको छ ।
उच्च रक्तचाप, मधुमेह र मृर्गौला सम्बन्धि समस्याबाट पिडित ती पत्रकारलाई अचानक स्वास्थ्य समस्या देखिएपछि जिल्ला अस्पताल तौलिहवा पुर्याईएको थियो । सोही अस्पतालमा उपचार गर्दागर्दै उनको मृत्यु भएको थियो ।
मृत्यु पछि उनको स्वाव संकलन गरि लुम्बिनी प्रादेशिक अस्पताल बुटवलको प्रयोगशालामा पिसिआर प्रविधिबाट परिक्षण गर्दा कोरोना पोजिटिभ देखिएको थियो ।