शुक्र मोक्तान
बह्राईन | “कोभिड-१९को विश्वव्यापी संक्रमणको कारणबाट उत्पन्न असहज परिस्थितिका कारण स्वदेश फर्कनै पर्ने नेपाली नागरिकहरूको सम्बन्धमा नेपाली नागरिकलाई स्वदेश आउन सहजीकरण गर्ने सम्बन्धि आदेश २०७७” अनुरूप २५ जुन २०२०का दिन बह्राईनमा कोरोना प्रकोपको कारण नेपाल फर्किन नपाएका मध्ये २ सय ७१ जना सहित विभिन्न कारणले मृत्यु भएका मध्ये १ जना नेपालीको शव नेपाल वायुसेवा निगमको दोस्रो चार्टर विमान बाट नेपाल फर्किएका छन्।
एनआरएनए एनसिसी बह्राईनका अनुसार बह्राईनमा विभिन्न कारणले मृत्यु भएका ७ जना मध्ये ३ वटा बह्राईनमा नै अन्त्येष्टि गर्न अनुमती प्राप्त भएको र ३ वटा पहिलो उडान मार्फत नेपाल पुगिसको थियो भने कागजी काम पुरा गरी नेपाल पठाउनु पर्ने बाँकी एक जनाको शव बह्राईनमा रहेको थियो । उक्त बाँकी रहेको एक जनाको शवको सम्पूर्ण कागजी काम पुरा गरी नेपाली दुताबास मनामाले २५ जुनको दोस्रो उडान मार्फत नेपाल पठाईएको दुतासले जनाएको छ ।अब हालको लागी बह्राईनमा नेपाल पठाउनु पर्ने कुनै पनि नेपाली नागरिकको शव नरहेको बुझिएको छ।
गत साता सार्वजनिक गरेको वैदेशिक रोजगार बोर्डको सचिवालयको तथ्यांक अनुसार अन्त्येष्टिको अनुमति पाएका ३ वटा शव बह्राईनमा रहेको थियो।
स्वदेश आउनै पर्ने अवस्थामा रहेका नेपाली नागरिकलाई स्वदेश आउन सहजीकरण गर्ने सम्बन्धी आदेश २०७७” अनुसार तयार गरिएको प्राथमिकताको आधारमा आधारित पहिलो चरणमा नेपाल फर्किनै पर्नेमा परराष्ट्र मन्त्रालयले सार्वजनिक गरेको तथ्यांक अनुसार पहिलो चरणको सहजिकरणको उडान बाट नेपाल फर्किनु पर्ने नेपाली नागरिकहरू बह्राईनमा ३ सय ७२ जना रहेको तथ्यांक सार्वजनिक भएको थियो भने नेपाली दुताबास मनामाले पहिलो सुचनामा २ सय ५६ जना र दोस्रो सुचनामा पहिलो सुचनालाई पनि समेट्दै २ सय ९१ जनाको नामावली सार्वजनिक गरेको थियो।
