घोराही, १४ असार
दाङको घोराही उपमहानगरपालिका वडा नं. ४ स्थित श्री माध्यमिक विद्यालय डाडागाउँ गोग्लिको क्वारेन्टाइनमा रहेका एक ब्यक्तिको मृत्यु भएको छ ।
मृत्यु हुनेमा क्वारेन्टाइनमा बस्दै आएका ३६ वर्षीय पुरुष भएको बुझिएको छ । प्राप्त जानकारी अनुसार निज ब्यक्ति मृगौला सम्बन्धि समस्याबाट पीडित रहेका थिए ।
निजको गत १० गते कोरोनाको आशंकामा स्वाब नमुना संकलन गरि परिक्षणका लागि राप्ती स्वास्थ्य विज्ञान प्रतिष्ठानमा पठाइएतापनि हालसम्म रिपोर्ट आइसकेको छैन । हाल निजको शव क्वारेन्टाइन स्थलमै रहेको छ ।
शवलाई परिवारको जिम्मा लगाउने कि नलगाउने भन्ने निर्णय पिसिआर रिपोर्ट आएपछि हुने बताइएको छ । यो समाचारको आधिकारिक पुष्टि भने भइसकेको छैन ।