वसन्त अनुभव
२७ वैशाख
प्युठान जिल्लामा कोरोना सम्बन्धि आरडीटी टेष्ट गर्दा २ जना ब्यक्तिमा पोजिटिभ देखिएको छ । प्युठान जिल्लाको प्युठान नगरपालिका–२ स्थित सिद्धार्थ हलको क्वारेन्टाइनमा बसेका दुई जना पुरुषमा आरडीटी पोजिटिभ देखिएको हो ।
क्वारेन्टाइनमा बसेका उनीहरुलाई घर पठाउने क्रममा आज आरडिटी परिक्षण गर्दा पोजिटिभ देखिएको थियो । पोजिटिभ देखिएपछि उनिहरुलाई पुनः क्वारेन्टाइनमै राखिएको प्युठान नगरपालिका स्वास्थ्य शाखा प्रमुख गोविन्द घिमिरेले बताउनुभयो ।
२० देखि ४५ वर्ष विचका ति पुरुषहरुमा आर डि टि पोजिटिभ देखिएसँगै थप जाँचका लागि उनिहरुको स्वाव संकलन गरि पिसिआर विधिबाट परिक्षण गर्नका लागि छिट्टै पठाइने स्वास्थ्य शाखा प्रमुख घिमिरेले बताउनुभयो । पिसिआर परिक्षणको रिपोर्ट आए पछि मात्र कोरोना संक्रमण भएनभएको पुष्टि हुने उहाँले बताउनुभयो ।