वसन्त अनुभव
काठमाडौं, १४ जेठ
नेपालमा आज थप ११४ जना कोरोना संक्रमित थपिएका छन । आज थपिएका कोरोना संक्रमितसँगै संक्रमण हुनेको संख्या ८८६ पुगेको छ । ती मध्ये महिला ९० जना र पुरुष ७९६ जना भएको स्वास्थ्य तथा जनसंख्या मन्त्रालयका प्रवक्ता डा विकास देवकोटाले जानकारी दिए ।
प्रवक्ता देवकोटाका अनुसार थप संक्रमित हुनेमा राष्ट्रिय जनस्वास्थ्य प्रयोगशाला टेकु काठमाडौमा गरिएको परीक्षणमा सिराहा लगायत जिल्लाका ३८ जना कोरोना संक्रमित पाइएका हुन ।
त्यस्तै धरान स्थित किटजन्य प्रयोगशालामा गरिएको परीक्षणमा ८ जना कोरोना संक्रमित पाइएका हुन । जसमा रौतहटका ७ जना र मकवानपुरको १ जना रहेका छन ।
त्यस्तै हेटौंडा स्थित विपि मेमोरियल क्यान्सर अस्पतालको प्रयोगशालामा गरिएको परीक्षणमा १६ जना कोरोना संक्रमित पाइएका हुन ।
त्यस्तै भेरी प्रादेशिक अस्पताल, नेपालगन्ज बाँकेको प्रयोगशालामा गरिएको परीक्षणमा बाँकेका १६ जना कोरोना संक्रमित पाइएका हुन ।
त्यस्तै कोशि अञ्चल अस्पताल, बिराटनगरको प्रयोगशालामा गरिएको परीक्षणमा १७ जना कोरोना संक्रमित पाइएका हुन । जसमा झापा गौरादहका २ जना र कचनकवला गापाका १५ जना कोरोना संक्रमित पाइएका हुन ।
राप्ती स्वास्थ्य विज्ञान प्रतिष्ठानमा गरिएको परीक्षणमा १८जना कोरोना संक्रमित पाइएका हुन । जसमा रुकुमपुर्वका ३ जना, दाङ घोराहीका ७ जना र लमही नपाका ८ जना कोरोना संक्रमित पाइएका हुन ।
नेपालका ७ प्रदेशका विभिन्न ४७ जिल्लाहरु कोरोना प्रभावित हुन पुगेका छन । जसमा प्रदेश नं १ का ७ जिल्ला, प्रदेश नं २ का ८ जिल्ला, बागमती प्रदेशका ११ जिल्ला, गण्डकी प्रदेशका ४ जिल्ला, प्रदेश नं. ५ का ९ जिल्ला, कर्णाली प्रदेशका ३ जिल्ला र सुदुरपश्चिम प्रदेशका ५ जिल्ला रहेका छन ।
नेपाल अधिराज्यभर क्वारेन्टाइन बेड संख्या १ लाख १७ हजार ४४ रहेको छ भने क्वारेन्टाइनमा बसेका व्यक्तिहरुको संख्या ७० हजार ३ सय ५ रहेको छ ।
त्यस्तै आइसोलेसन बेडको संख्या ३ हजार ५ सय २३ रहेको छ भने आइसोलेसनमा रहेका संक्रमितको संख्या ६ सय ९९ जना रहेको छ । हाल आइसोलेसनमा रहनेमा प्रदेश नं १ मा ७३ जना, प्रदेश नं २ मा २२६ जना, बागमती प्रदेशमा २७ जना, गण्डकी प्रदेशमा ११ जना, प्रदेश नं. ५ मा ३२५ जना, कर्णाली प्रदेशमा २५ जना, र सुदुरपश्चिम प्रदेशका १२ जना रहेका छन ।
नेपालमा उपचाररत कोरोना संक्रमितहरु मध्ये आज २८ जना कोरोना संक्रमितहरु उपचारपछि निको भइ डिस्चार्ज भएका छन्। मंगलबार डिस्चार्ज हुनेमा नारायणी कोभिड अस्थायी अस्पतालबाट २१ जना, बुधबार डिस्चार्ज हुनेमा कोशी अञ्चल अस्पतालबाट ४ जना र बाँके स्थित सुशील कोइराला प्रखर क्यान्सर अस्पतालबाट ३ जना रहेका छन ।
आज डिस्चार्ज भएकाहरु सँगै घर फर्कनेको संख्या १८३ पुगेको छ। हालसम्म डिस्चार्ज हुनेमा प्रदेश नं १ मा ३० जना, प्रदेश नं २ मा ९७ जना, बागमती प्रदेशमा ११ जना, गण्डकी प्रदेशमा २ जना, प्रदेश नं. ५ मा ३८ जना र सुदुरपश्चिम प्रदेशका ५ जना रहेका छन ।
त्यस्तै कोरोनाका कारण नेपालमा हालसम्म ४ जना व्यक्तिले ज्यान गुमाईसकेका छन । हालसम्म मृत्यु हुनेमा प्रदेश नं २ मा १ जना, बागमती प्रदेशमा १ जना र प्रदेश नं. ५ मा २ जना रहेका छन ।
हाल सम्म आरटी पिसिआर प्रविधिबाट ५८ हजार २ सय ७७ वटा नमुना स्याम्पलको परिक्षण गरिएको छ भने विगत २४ घण्टाभित्र ३ हजार ५ सय ८० वटा नमुना परिक्षण गरिएको छ । त्यस्तै हालसम्म आरडिटी प्रविधिबाट १ लाख २ सय ८७ वटा नमुना परिक्षण गरिएको छ ।
.
