Category: लोकप्रिय

वसन्त अनुभव
काठमाडौ, २५ बैशाख
दाङ जिल्लाको घोराहीमा अवस्थित राप्ती स्वास्थ्य विज्ञान प्रतिष्ठानलाई अमेरिकन मेडिकल फाउन्डेसनले ६८ लाख २५ हजार २ सय रुपैया आर्थिक सहयोग गरेको छ ।

प्रतिष्ठानमा Intensive Care Unit सेटअप गर्नका लागि भनेर स्वास्थ्यमन्त्री, राज्यमन्त्री, अमेरिकन मेडिकल फाउण्डेशनका पदाधिकारी र स्वास्थ्य तथा जनसंख्या मन्त्रालयको रोहवरमा प्रतिष्ठानकी उपकुलपति प्रा.डा.संगिता भण्डारीलाई उक्त रकमको चेक हस्तान्तरण गरिएको हो ।

ICU सेटअप गर्नका लागि प्रतिष्ठानकी उपकुलपति डा. भण्डारीसंगै डिन डा.बसन्त लामिछानेले पनि महत्वपूर्ण भूमिका निर्वाह गर्नुभएको प्रतिष्ठानले जनाएको छ ।

चेक हस्तान्तरण कार्यक्रममा प्रतिष्ठानकी उपकुलपति डा. भण्डारीले ICU का लागि रकम सहयोग गरेकोमा अमेरिकन मेडिकल फाउन्डेसन लगायत सम्बद्ध सबैलाई धन्यवाद एवं आभार प्रकट गर्नु भएको थियो ।

काठमाण्डौं, २४ वैशाख
नेपाल सरकारले लकडाउनको अवधी पुन: १० दिन थपेको छ । जारी लकडाउन बैशाख २५ गते सकिनै लाग्दा आज अपरान्ह बसेको मन्त्रिपरिषदको बैठकले कोरोना भाइरसको जोखिम मुलुकमा अझै कायमै रहेको भन्दै जेठ ५ गतेसम्म लकडाउन जारी राख्ने निर्णय गरेको हो ।

उच्चस्तरीय समन्वय समितिको मंगलबार बसेको बैठकको सुझावलाई मध्यनजर गर्दै मन्त्रिपरिषदको आज बसेको बैठकले लकडाउन अवधि १० दिन थपेको हो। सरकारले गत चैत ११ गतेबाट लागु गरेको लकडाउन विहिबार ४५ दिन पुग्दैछ ।

–वसन्त अनुभव-
बाँके, बैशाख २३, २०७७
नेपालगन्जमा थप ७ जनामा कोरोना संक्रमण भएको पुष्टि भएको छ । यो सँगै कोरोना संक्रमितको संख्या नेपालगन्जमा २३ जना र नेपालभरमा ८२ पुगेको छ । आज बिहान स्वास्थ्य तथा जनसंख्या मन्त्रालयले थप ७ जनामा कोरोना संक्रमण भएको तथ्यांक सार्वजनिक गरेको थियो । हालसम्म कोरोना संक्रमण पुष्टि भएका ८२ जना मध्ये १६ जना निको भइ घर फर्किसकेका छन ।

नेपालगन्जको भेरी प्रादेशिक अस्पतालमा परीक्षण गरिएको स्वाव नमूना परिक्षणमा २२, ३० र ४० वर्षका पुरुष ३ जना र ९, ३२, ३४ र ५५ वर्षका ४ जना महिला गरि ७ जनामा काेरोना संक्रमण पाइएको स्वास्थ्य तथा जनसंख्या मन्त्रालयका सहप्रवक्ता डा समीर कुमार अधिकारीले जानकारी दिनुभयो ।

नेपालगञ्जमा कोरोना संक्रमितको संख्या थपिने क्रम बढेसँगै स्थानीय प्रशासनले आज मंगलबार विहान ११ बजेदेखि २५ गते मध्यरातीसम्म कर्फ्यु लगाएको छ । बाँकेमा सोमबार बसेको सर्वदलिय बैठकले तीन दिनसम्म घरबाट बाहिर निस्कन नपाइने निर्णय गरेको थियो । संक्रमितहरुको कन्ट्याक्ट् ट्रेसिङ र स्वाव परिक्षण कार्यलाई प्रभावकारी बनाउन यो कदम चालिएको हो ।

नेपालमा कोरोना संक्रमित भइ उपचार पछि निको भएका १६ जना डिस्चार्ज भईसकेका छन भने बाकीको विभिन्न स्थानमा उपचार भइरहेको छ । हालसम्म यस रोगका कारण कसैको मृत्यु भएको पुष्टि भएको छैन । कुल संक्रमित ८२ जनामध्ये १६ जना उपचारपछि डिस्जार्च भएका छन्। प्राप्त विवरण अनुसार प्रदेश १ मा ३१ जना, प्रदेश २ मा १३ जना, बागमती प्रदेशमा ७ जना, गण्डकी प्रदेशमा २ जना, प्रदेश ५ मा २४ जना र सुदूरपश्चिम प्रदेशमा ५ जना संक्रमित भेटिएका छन भने कर्णाली प्रदेशमा हालसम्म संक्रमित पाइएको पुष्टि भएको छैन ।

स्वास्थ्य तथा जनसंख्या मन्त्रालयका अनुसार हालसम्म नेपालमा कोरोनाको आशंकामा ६४ हजार ४ सय ८५ जनाको नमूना परीक्षण भएको मध्ये १३ हजार ६ सय ४० जनाको पिसिआर र ५० हजार ८ सय ४५ जनाको आरडिटि विधिबाट परीक्षण गरिएको छ। जसमध्ये प्रदेश १ मा ५ हजार ८ सय ३७, प्रदेश २ मा ५ हजार ७ सय ३६, बागमतीमा ८ हजार ६ सय १०, गण्डकीमा ५ हजार ८ सय ८२, प्रदेश ५ मा ४ हजार ८ सय ३१, कर्णालीमा ५ हजार ८ सय १३ र सुदूरपश्चिम प्रदेशमा १४ हजार १ सय ३६ जनाको आरडिटिबाट परीक्षण गरिएको थियो ।

–वसन्त अनुभव-
घोराही, दाङ, २२ बैशाख २०७७
भारतको महाराष्ट्रबाट नेपाल आएका १० जना ब्यक्तिहरुको कोरोना भाइरस जाँचका लागि लिइएको स्वाब नमुना परिक्षण गर्दा रिपोर्ट नेगेटिभ आएको छ ।

कोरोना संक्रमणको आशंकामा दाङ जिल्लाको बेलझुण्डीको कोरोना विशेष अस्पतालमा आइसोलेसनमा बसेका ती ब्यक्तिहरुको थ्रोट स्वाव नमुनाको परिक्षण घोराही स्थित राप्ती स्वास्थ्य विज्ञान प्रतिष्ठानमा पिसिआर प्रविधिबाट गर्दा नेगेटिभ देखिएको राप्ती स्वास्थ्य विज्ञान प्रतिष्ठानले सोमबार एक विज्ञप्ति जारी गर्दै जनाएको छ ।

शंकास्पद ती ब्यक्तिहरुको स्वाव नमुना प्रतिष्ठानमा हिजोमात्र प्राप्त भएको थियो ।

काठमाण्डौ – शिक्षा मन्त्रालयले अनलाइन कक्षाको रुपमा शुल्क नअसुल्न निर्देशन दिएको  छ ।

केहि विद्यालयले अनलाइन कक्षाको नाममा बैंक खातामा पैसा जम्मा गर्न भनेका समाचारप्रति गम्भीर ध्यानाकर्षण भएको भन्दै मन्त्रालयले सबै विद्यालयलाई निर्देशन दिएको हो ।

यस्तै नयाँ भर्ना नलिन पनि मन्त्रालयले परिपत्र गरेको छ । शिक्षा मन्त्रालयले सबै कुराको सुक्ष्म मूल्यांकन गरेकोले मन्त्रालयको निर्णयपछि मात्रै भर्ना लिन अनुरोध गरेको छ । 

यस्तै माध्यामिक तहसम्मका विद्यालयले एक महिनाको शुल्क नलिन सरकारले पटक पटक दिएको निर्देशन पालना गर्न पनि मन्त्रालयले ध्यानाकर्षण गराएको छ ।
उज्यालो

–वसन्त अनुभव-
तुलसीपुर , दाङ, २२ बैशाख
छिमेकी जिल्ला बाकेमा कोरोना संक्रमितहरुको संख्या बढेसंगै दाङ जिल्लामा पनि सुरक्षा सतर्कता अपनाउन थालिएको छ । यसै सिलसिलामा तुलसीपुर उपमहानगरले नगरभित्र छिर्ने पश्चिमी नाकाहरुमा २ वटा हेल्थ डेस्क स्थापना गरेको छ ।

तुलसीपुर उपमहानगरले आजै वडा नं १ र शान्तिनगर को सिमानामा पर्ने भमकेमा र वडा नं २ र दंगिशरणको सिमाना पर्ने वालापुरमा २४ घण्टे हेल्थ डेष्क स्थापना गरेको हो ।

तुलसीपुर उपमहानगरपालिका जनस्वास्थ्य प्रवर्धन शाखा र वर्डा नं २ का वडाध्यक्ष राजु आचार्य र वर्डा नं १ का वडाध्यक्ष लक्ष्मण भण्डारीको विशेष पहलमा उक्त स्थानहरुमा हेल्थ डेस्क स्थापना गरिएको जनस्वास्थ्य प्रवर्द्धन शाखाका ज.स्वा.नी. विमल केसीले बताउनु भयो । साथै उहाँले उक्त हेल्थ डेस्कमा २४ सै घण्टा स्वास्थ्यकर्मीहरु रहने गरि पालो अनुसार ड्युटी मिलाइएको पनि जानकारी दिनुभयो ।

उपमहानगरले यस अघि अमिलिया हुँदै तुलसीपुर छिर्ने नाका फुलवारीको दमारगाउमा हेल्थ डेस्क सन्चालन गर्दै आएको थियो । यो सँगै हेल्थ डेस्कको संख्या ३ वटा पुगेको छ । साथै शिघ्रै घोराही तुलसीपुरको सिमानामा अर्को हेल्थ डेस्क स्थापना गर्ने तयारी रहेको जानकारी पनि उहाँले दिनुभयो ।

पश्चिम क्षेत्रबाट अनावश्यक रुपमा एम्बुलेन्स लगायत सवारी साधनहरु गुड्न थालेपछि स्वास्थ्य तथा सुरक्षा जाँचमा कडाई गर्न थालिएको छ। विना सुरक्षा सामग्री एम्वुलेन्स लगायत सवारी साधन चलाउने क्रम बढ्दै गएकोले संझाई बुझाई सुरक्षासामग्री प्रयोग गर्न लगाएर गाडी चलाउन लगाईएको जस्वानी केसीले बताउनु भयो ।

साथै कतिपय ब्यक्तिहरु नेपालगन्जबाट हिड्दै पश्चिमको बाटो हुँदै तुलसीपुर छिर्न थालेको पाइएकोले उक्त स्थानहरुमा चेक प्वाइन्ट राख्नु परेको बताउनु भयो । उक्त क्षेत्रको हेल्थ डेस्कमा पवननगर स्वास्थ्यचौकी, तकियापुर नगरस्वास्थ्यकेन्द्र र भिमसेन शहरी स्वास्थ्यप्रवर्धन केन्द्रका स्वास्थ्यकर्मीहरु तथा रेडक्रसकर्मीहरु, प्रहरीहरुलाई परिचालन गरिएको पनि जानकारी दिनुभयो।

प्राप्त जानकारी अनुसार आजमात्रै बालापुरमा ६४ वटा गाडी, ७३ वटा मोटरसाइकल र ६ वटा एम्बुलेन्स ओहोरदोहोर गरेका थिए । हेल्थ डेस्कबाट ४१६ पुरुष र ८४ महिलाको ज्वरो मापन गरिएको थियो। ती मध्ये एकजनालाई होम क्वारेन्टाइनमा बस्न सुझाव दिई पठाईएको थियो ।

त्यस्तै भमकेमा २३ वटा गाडीहरू ओहोरदोहोर गरेको र ५७ जनाको ज्वरो मापन गरि पठाईएको थियो ।

त्यस्तै दमारगाउँ हेल्थ डेस्कबाट १८४ जनाको ज्वरो परिक्षण गरिएको थियो । दमारगाउँबाट १२ वटा एम्बुलेन्स, १२ वटा ट्रक, १४ वटा मोटरसाइकल, ४ वटा टिपर, ४ वटा म्याजिक भ्यान, र १ वटा ट्याक्टर ओहोरदोहोर गरेका थिए ।

पर्सा : कोरोना संक्रमणबाट मुक्त भएपछि वीरगन्जको नारायणी अस्पतालबाट बिदा गरिएका रौतहटका १९ वर्षीय युवक फेरि अस्पताल भर्ना भएका छन्।

कोरोना परीक्षणको रिपोर्ट नेगेटिभ आएपछि गएको वैशाख १४ गते नारायणी अस्पताल वीरगन्जबाट उनी डिस्चार्ज भएका थिए। शरिरमा समस्या देखिएपछि गएराति उनलाई फेरि वीरगन्जको नारायणी अस्पतालमा नै ल्याई भर्ना गरिएको छ।

शरीरमा समस्या देखिएपछि अस्पतालमा ल्याइएको वीरगन्जको नारायणी अस्पतालबाट अस्ति बिदा गरिएका रौतहटका युवकलाई पुनः नारायणी अस्पतालमा भर्ना भएका चाहिँ हुन् अस्पतालका मेडिकल सुपरिटेण्डेन्ट (मेसु) डा. मनोजकुमार उपाध्यायले बताए। ‘मानिसको शरिर हो, केही गढबड भएपछि अस्पताल त ल्याउनैपर्‍यो नि। फेरि कोरोना देखिएर ल्याएको होइन’ उनले भने।

शरीरमा समस्या देखियो भनेर चेकजाँचका लागि ल्याएको हो। कोरोना नै हो होइन? भन्ने सवारमा पछि रिपोर्ट आएपछि मात्र बताउन सकिन्छ डा. उपाध्याय थपे। युवकलाई अस्पतालको आइसोलेशन वार्डमा नै राखेर उपचार भइरहेको अस्पतालले जनाएको छ।

शारीरिक समस्या देखियो भने पछि फेरि कोरोना हो होइन? भनी चेकजाँचको लागि गएराति वीरगन्ज ल्याइएको छ। उनको अवस्थाका बारेमा चेकजाँच हुँदैछ। निगरानीमा त डिस्‍चार्ज भएकालाई पनि राख्नु पर्छ कोेभिड १९ कमाम्ड पोष्ट पर्साका सदस्य सचिव तथा पर्साका सहायक प्रमुख जिल्ला अधिकारी ललित कुमार बस्नेतले बताए। अहिले नै यसै भन्न सकिन्न। पुनः रिपोर्ट आएपछि मात्र ठोस कुरा बताउन सकिन्छ उनले भने।

फूलमालासहित बिदा गरिएका थिए युवक

युवक रौतहटको इसनाथ नगरपालिकाका बासिन्दा भए पनि भारतबाट फर्किए पछि चेकजाँच गर्दा बैशाख १ गते कोरोना संक्रमण पुष्टि भएको थियो। वैशाख २ गतेबाट वीरगन्जको नारायणी अस्पतालको आइसोलेन वार्डमा राखी पहिले पनि उपचार भएर घर पठाइएको थियो।

घरमा नै एक डेडहप्ता क्वारेन्टाइनमा बस्ने गरी रौतहटबाट आएको एम्बुलेन्स मार्फद ती युवकलाई बैशाख १४ गते नारायणी अस्पतालले पठाएको थियो। पठाउनु पूर्व कोरोना जित्न सफल भएको भनी उनलाई यहाँका चिकित्सक, स्वास्थ्यकर्मी लगायतले फूलमालासहित बिदा गरिएको थियो।
थाहाखबर