राघवेंद्र चौबे
कपिलवस्तु/नेपाल –
कपिलवस्तुको मायादेबी गाउँपालिका पकडीमा क्वारेन्टाइन कक्ष स्थापना गरिएको छ । श्री छत्र पाली तीर्थ देबी उच्च माध्यमिक विद्यालयको भवनमा ३ शैय्या र जनता माध्यमिक विद्यालयमा १० शैय्या गरी १३ शैय्या सहितको क्वारेन्टाइन कक्ष स्थापना गरिएको छ । सिमा नाका देखी नजिक रहेको गाउँपालिकामा कोरोना भाइरसको जोखिम उच्च रहेकाले क्वारेन्टाइन स्थापना गरिएको गाउँपालिका अध्यक्ष बजरंगी चौधरीले बताए । कोरोना भाइरस प्रभावित मुलुक बाट आएका नागरिक तथा कोरोना भाईरसको आशंका देखिएको मानिसहरुलाई १४ दिन यसै स्थानमा राखिने चौधरीले बताए ।
उक्त कक्षमा गाउँपालिकाले दुई जना स्वास्थ्य कर्मीलाई हेरचाहाको लागी राखिने भएको छ भने भारत बाट प्रबेश गर्ने नागरिकलाई सिमा क्षेत्रमा हेल्प डेक्सको ब्यवस्था गरिएको स्वास्थ्य संयोजक महेन्द्र प्रसाद यादवले बताए । विश्वमा महामारीको रूप लिएको कोरोना भाइरस बाट जोगिन नागरिकहरु सचेत हुनुपर्ने यादवको भनाइ छ । समान्य लापरबाहीले यो रोग महामारीको रुपमा फैलिने बताउँदै गाउँपालिका भित्र सुरक्षित र सजक रहन आग्रह गरेका छन् ।
त्यस्तै सोही गाउँपालिकाको वडा नंम्बर ३ मा रहेको नव निर्मित फुलीक स्वास्थ्य चौकीमा भोली सम्मा आइसोलेसन वार्ड पनि स्थापन गरिने भएको छ।
विश्वलाई नै आतंकित तुल्याएको COVID-19 कोरोना भाईरसको संक्रमण नेपालमा पनि देखिन थाले संगै हाल सम्म तिन जना उक्त भाईरसको संक्रमितहरू भेटिएको छ। यस भाईरसको महामारी रोक्न नेपाल सरकारले चैत्र ११ देखी लागु हुने गरी एक हप्ताको लागी लकडाउन घोषणा गरिसकेको छ।