संवाददाता
राहदानी सहजिकरणका लागि NRNA साउदीले शुरुवात गरेको “श्रमिक आउटरेज क्याम्पिङ” अन्तर्गत नेपाली महावाणिज्य दुतावास जेध्दाको संयुक्त अभियानमा मिती: २५-डिसेम्बर-२०२० शुक्रबारका दिन साउदी अरबको खामिस मुसैत स्थित Crown Hall, Khamish Mushait मा राहदानी(पासपोर्ट) नविकरण कार्यक्रम सम्पन्न भएको छ। नविकरणका लागि नेपाली दुरदराजका स्थान बाट मावाणिज्य दुतावास सम्म पुग्न कठिन भएको स्थितिलाई मध्यनजर गर्दै साउदी अरबका बिभिन्न स्थानमा नेपालीहरुलाई सहज रूपमा सेवा प्रदान गर्ने उदेश्यले अनलाइन फारम जारी गरी सुचना सम्प्रेषण गरे बमोजिम शुरु गरिएको क्याम्पिङ(घुम्ती सेवा) मार्फत खामिस मुसैतमा कूल ५५ जना श्रमिकहरु पासपोर्ट सहजिकरण बाट प्रतक्ष लाभान्वित भएका छन्।
त्यसै गरी गैर आवासीय नेपाली संघ द्वारा संचालित “RRR” मेघा परियोजना अन्तर्गत NRNA साउदी अरबले नेपाली श्रमिकहरुको समस्या न्युनिकरण गर्ने उध्देश्यले नेपाली नियोग र एनआरएनएको संयुक्त आयोजनामा शुरु गरेको “श्रमिक आउटरेज क्याम्पिङ” कार्यक्रमको तेस्रो चरण मार्फत पासपोर्ट (राहदानी) नविकरण कार्यक्रम मिती: २५-डिसेम्बर-२०२० शुक्रबारकै दिन साउदी अरबको पुर्वी क्षेत्र दमाम स्थित मुगल रेष्टुरेन्टमा सम्पन्न गरेको जनाएको छ।
नविकरणका लागि नेपाली राजादुताबास सम्म पुग्न कठिन भएको स्थितिलाई मध्यनजर गर्दै साउदी अरबका बिभिन्न स्थानमा पुगी नेपालीहरुलाई सहज रूपमा सेवा गर्ने उधेश्यले अनलाइन फारम जारी गरी सुचना सम्प्रेषण गरे बमोजिम २ जना महिला सहित कूल जना १६६ जना श्रमिकहरु पासपोर्ट सहजिकरण बाट प्रतक्ष लाभान्वित भएका छन्।
उक्त कार्यक्रममा राहदानी नविकरणका लागि आवश्यक पर्ने सम्पूर्ण कागजात तथा फारम संकलन गर्नको निम्ती नेपाली नियोगका कर्मचारी र एनआरएनए साउदी अरबका पदाधिकारीहरुको संयुक्त उपस्थिती रहेको थियो।
दम्माममा सम्पन्न कार्यक्रममा नेपाली राजदुतावास रियाद बाट: बलराम पाण्डे–तृतिय सचिव, सरोज चन्द्र अधिकारी-कार्यलय सहयोगी र दुताबासका लागि पुर्बी क्षेत्रका स्थानिय कर्मचारी हरि घिमिरेको उपस्थिती रहेको थियो भने एनआरएनएको तर्फबाट सहभागीहरु: राजेन्द्र अर्याल–सह-संयोजक एनआरएनए आइसिसी मध्यपुर्व, एनआरएनए साउदी:-अध्यक्ष तेज थापा, संरक्षक-राजु सैयद, डमर कुमार यादव-प्रमुख सल्लाहकार, रोशन श्रेष्ठ–उपाध्यक्ष, सत्य नारायण केसी-सदस्य,बाल कृष्ण पंगेनी-सदस्य,ढल बहादुर थापा-भुतपुर्व उपाध्यक्ष आरसिसी पुर्बी क्षेत्र, पूर्ण सुनार-सचिव स्थानिय समिती खोबर, रमेश भट्टराई-सचिव स्थानिय समिती दमाम, ओम कुमाल – परियोजना फिल्ड अफिसर, साउदि अरब पदम महत- एनआरएनए कर्मी गोपाल बस्नेत – एनआरएनए कर्मी तुलसि राम आचार्य – मिडिया कर्मी (हिमालयन दृष्टी) नवराज तामाङ – मिडिया कर्मी (शैलुङ अनलाइन) श्याम कुमार महतो – हेल्प मदेश, साउदि अरबको उपस्थिती रहेको थियो।
यसै गरी सोही दिनको खामिस मुसैत स्थित सम्पन्न कार्यक्रममा राहदानी नविकरणका लागि आवश्यक पर्ने सम्पूर्ण कागजात तथा फारम संकलन गर्नको निम्ती नेपाली नियोगका कर्मचारी र एनआरएनए साउदी अरबका कर्मचारीको संयुक्त उपस्थिती रहेको थियो। नेपाली महावाणिज्य दुतावास जेध्दा बाट: श्रम सहचारी प्रेम प्रसाद उपाध्याय र कार्यालय सहयोगी राजु बास्कोटा र सुजन वाग्लेको उपस्थिती रहेको थियो भने एनआरएनएको तर्फबाट सहभागीहरु:लाल बहादुर मगर-एनआरएनए एनसिसी सचिव, कृष्ण कुमार श्रेष्ठ- एनसिसी सदस्य, होमनाथ दाहाल-क्षेत्रीय सदस्य, शंकर पौडेल-एनआरएनए कर्मी र दावा लामा-स्वयं सेवक को उपस्थिती रहेको थियो।
गैर आवासीय नेपाली संघका प्रवक्ता विष्णु न्यौपनेका अनुसार राहदानी सहजिकरणको लागि NRNA साउदीले शुरु गरेको “श्रमिक आउटरेज क्याम्पिङ” अन्तर्गत नेपाली नियोग संगको संयुक्त अभियानको बिभिन्न चरणमा गरी हाल सम्म कूल ५७१ जना श्रमिकहरु प्रतक्ष लाभान्वित भएका छन्।