“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसयसत्ताइसौंमा हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८२/०३/१९
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १२७[एकसयसत्ताइसीऔं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग शनिबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली
गुणनिधि घिमिरे
सुशीला पाैडेल
चित्र संकलन
अच्युत घिमिरे
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफूखुसी
स्थायी :- आफूखुसी
अक्षर :- बराबरी
समायोजक
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]~~~~~
पञ्चाङ्ग:०१
दुश्मन लागे पनि डराउनु हुँदैन
त्यस्तासँग मुखले कराउनु हुँदैन
रीस डाहले मार्न खोज्ने धेरै छन् यहाँ,
मार्नेलाई तल झराउनु हुँदैन
काला कर्तुत मन् पराउनु हुँदैन।
-सुशीला पौडेल
👉पञ्चाङ्ग:०२
काल केवल आफ्नो सर्त मानेर लान्छ
सिध्याउन खोज्ने समेत छानेर लान्छ
कस्को परिणाम कति थाहा नै नहुँदा,
एकपछि अर्को, क्रमशः तानेर लान्छ
कर्म चक्रको तिखो बाण हानेर लान्छ ।
✍️अच्युत घिमिरे, सर्पाङ, भुटान🇧🇹
पञ्चाङ्ग:०३
सन्तान जन्माउनु जीवन प्रक्रिया भनिन्छ
आपसमा कुरा गर्नु अन्तरक्रिया भनिन्छ
जन्म र मृत्यु भगवानको हातमा नै हुन्छ ,
छोराछोरी सतमार्ग हिड्नु शुक्रिया भनिन्छ
सन्तान कर्मकाण्ड गर्नु काजक्रिया भनिन्छ ।
-धनमाया चौधरी कैलाली
पञ्चाङ्ग:०४
एकले अर्को तान्दा खसिन्छ सबै
बिचार गर्यौ होला फसिन्छ सबै
रीसले अरू खान्छ बुद्धिले आफू,
होलमा काम गर्दा बसिन्छ सबै
आपसी माया प्रीति कसिन्छ सबै।
-घनश्याम पौडेल,पोखरा
पञ्चाङ्ग:०५
संकट पर्याे भनेर नडराऊ
आकाश झर्यो भनेर नडराऊ
निकास खाेज विचार पुर्याइ ,
अरुले गर्याे भनेर नडराऊ
त्यो सुख टर्याे भनेर नडराऊ ।
-भवानी घिमिरे
सर्लाही ।
पञ्चाङ्ग:०६
बझ्नु पर्छ सबैले अन्यायमा पर्नु हुदैन
आपत पर्यो भन्दै पछिपछि सर्नु हुदैन
कसैको ज्यानमाथि कहीँ नगर्नु खेलवाड ,
फड्के कति भर पर्दो छ नत्र तर्नु हुदैन
त्यसरी आतिएर अप्ठेरोमा झर्नु हुदैन।
-दुर्गा आचार्य
मोरङ